Мектеп асханасы мониторинг жұмыстары жүргізілді
"AMANAT" партиясының "Бақытты отбасы" партиялық жобасы аясында "Жетікөл" БПҰ мүшелері және мектеп әкімшілігі бірлесе ыстық тамақтың берілуіне зерделеу жұмыстарын жүргізді.Жетікөл ауылдық №174 орта мектеп асханасынан 2024-2025 оқу жылы аралығында 1-4 -сынып бойынша 60 білім алушы толық ыстық тамақпен қамтылған. 5-11- сынып оқушыларынан 23 бала аз қамтамасыз етілген отбасы мәртебесімен тамақтанады. Барлығы 83 бала. Зерделеу барысында асханада азық-түліктердің сақталуы мен тұтыну мерзімі, бекітілген ас мәзір бойынша дайын ас нормасы талапқа сай екендігі анықталды.











