Н.Ілиясов ауылындағы №132 орта мектебі күрделі жөндеуден өтті
Өткен жылы Н.Ілиясов ауылындағы №132 орта мектебіне күрделі жөндеу жұмыстары жүргізілді.Бұл туралы аудан әкімі Берік Сәрменбаев Өңірлік коммуникация қызметінің баспасөз алаңында өткен брифингте мәлімдеді.
- Аудан бойынша 54 білім беру ұйымы жұмыс жасаса, онда барлығы 8226 оқушы білім алуда. Жаратылыстану және математикалық бағытта 5 инновациялық мектеп-лицей бар.
Ауданда апатты жағдайда және 3 ауысымда жұмыс істейтін мектеп жоқ.
2023-2024 оқу жылын 442 түлек мектеп бітіріп, олардың 365-і ұлттық бірыңғай тестілеуге қатысты. Мектеп бітірген түлектің барлығы жоғары оқу орынына оқуға түсті.
Білім мекемелерінде аз қамтылған отбасы мен 1-4 сынып оқушылары 100 пайыз бір мезгіл ыстық тамақпен қамтылуда.
Ауданда 3-6 жас аралығындағы бүлдіршіндер балабақшамен 100 пайыз қамтылған.
