Тереңөзекте құлпынай мен лимон өседі

Тереңөзекте лимон мен құлпынай өсіріледі. Мұндай тәжірибені жылыжай жұмысын қолға алған Бауыржан Момышұлы көшесінің тұрғыны Али Бермағанбетов жасауда. «Өңірлік инвестициялық орталығы» арқылы тамақ өнеркәсібін дамыту жобасы бойынша 8 миллион теңге көлемінде төмендетілген несие алған жеке кәсіпкер жылыжай құрылысын жүргізген. 20х10 көлемді жылыжайда қияр мен қызанақ өсіріледі. Бағбан алғашқы өнімін наурыз айында алуға үмітті.

Жалпы, Али Бермағанбетов бақша өнімдерін өсіруде тәжірибесі толысқан жан. Ол бұған дейін 5 гектар жерге картоп, жуа, қауын мен қарбыз егіп, бақшалық өнім алған. Ата кәсіпті тереңнен меңгерген кейіпкеріміз мал шаруа­шылығы саласында ептілігімен танылған. Әрине, табыс табудың бір­неше амалын қарастырған Әли Бермағанбетов жылыжай жұмысын меңгеру мақсатында Сарыағаш ауданына барып, кәсіби мамандармен тәжірибе алмасқан.

– Бірнеше жыл қата­рынан бақшалық жер­ге дәнді-дақыл еккен мен үшін жылыжай жұмысын қолға алу қиындық соқтырмады. Жақында аудан әкімі Берік Сәрменбаев кәсібімізді көріп, алдағы жұмысымызға сәт­тілік тіледі. Негізінен, жылыжай газбен жылытылады. Күнделікті оның жылылығына аса мән береміз. Қияр, қызанақ, құлпынай, лимоннан басқа зерен мен аскөк өсірудеміз. Бұл ретте, егін егудің машақатын бағбандықпен айна­лысатын көпшілік жақсы біледі, – дейді жеке кәсіпкер.

Әрине, «Ексең егін, ішерсің тегін» деген тәмсіл еш уақытта маңыздылығын жой­майды. Отбасылық кәсіптің иесі Али Бермағанбетовтің зайыбы Гүлжан Нұрышева – медицина саласының маманы. Ерлі-за­йыпты 2 қыз, 1 ұлды тәр­­биелеп өсірген. Там­­­­шылатып су­ғару ар­қы­лы бақ­­­­шалық өнім шығаратын жеке кә­­сіп­кер мем­лекеттік бағ­­дарламаның игі­­лігін көруде. Ал­дағы уақытта те­рең­өзек­тіктер жер­гілікті өнім­ді тұ­­ты­натын бо­лады. Ең бас­тысы – кәсіптің қыр-сырын игерген Әли секілді аза­мат­тар биз­несін кеңейте бер­сін демекпіз.

Балтабай АЯБЕКҰЛЫ