Еңбегімен көпке сыйлы азамат

Қай кезде де еңбек адамына деген құрмет толастамайды. Адал еңбек пен іскерлік барлық жетістіктің, риясыз құрметтің бастауы. Дана халқымыз «Еңбегімен ер сыйлы» деп бекер айтпаса керек-ті. Бүгінде еңбегімен мерейлі, қажырлы жұмысымен елге пайдасын тигізіп жүрген қарапайым еңбек адамы – Бақыт Нұржанов.

Кез келген шаруаның ебін таба білетін Бақыт Нұржанов Сәкен Сейфуллин ауылының тұрғыны. «Еңбек еткеннің еңсесі биік» деген ұстанымды ұстанатын тәжірибелі маман ауылдық әкімдікте қарауыл болып жұмыс жасайды. Сегіз қырлы бір сырлы азамат тек қана мекемені қарауылдап қоймай, дәнекерлеу жұмысымен, ауланың тазалығы секілді бірнеше жұ­мысты атқарады. Кө­мек сұраған жаннан еш­қашан көмегін аяған емес.

–Мен қара­­уыл­­­дық қызметке 2013 жылы кел­дім. Тек мекеменің қа­уіп­сіздігін ғана қам­тамасыз етпей, ау­ла­ның таза­лығын ат­қарып, басқа да шаруаларды жасай беремін. Бір күн жұмыс жасап, бір күн демалғандықтан қосымша жұмыс шы­ғып жатса үйде қарап отырғанды ұнатпаймын. Өйткені адам өз несібесін еңбектен ғана табатыны анық. Қолынан келген жұмыстан аянбай, өз нәпақасын ешкімге жалтақтамай, адал еңбекпен ғана тапқан астың берекесі болады, – дейді қарапайым еңбек адамы.

Бақыт Сәруарұлы – өте қарапайым, еңбекқор жан. Өз ісіне деген тиянақ­тылығы мен жауапкершілігінің арқасында әріптестерінің оған құрметі, қолдауы, сыйластығы ерекше. Бұл бірден байқалады.

–Бақыт Нұржановпен 12 жылдан бері жұмыс жасап келеміз. Ешқашан жұмыстан шаршадым, қолымнан кел­мейді деп айтқан емес. Әрбір істі ыждағаттылықпен, ынтамен атқарады. «Жақсының жақсылығын айт, нұры тасысын» дегендей адал еңбегінің арқасында ұжымда құрметке ие болып келеді, – дейді әріптесі Серікбол Мұратбекұлы.

Қашанда қара­па­йым­дылы­ғымен дараланатын еңбек адамы отбасында аяулы жар, ар­дақты әке. «Адам ұрпағымен мың жасайды» демекші, Құ­дай қосқан қосағы Гүлмира Махатовамен 2 ұл, 3 қызды тәр­биелеп отырған көп­балалы отбасы. Бе­рекелі ша­­­­ңырақтың ұйыт­­қысы Гүл­мира Ма­хатова аспаз болып жұмыс жасайды.

Мемлекет бас­шысы Қасым-Жо­март То­қаев: «Қо­­­­ға­мымызда ең­­бек адамы бі­­рінші орын­да тұ­­руға тиіс. Шын мә­нінде, барлық же­тістіктің бастауы – адал еңбек және іскерлік. Табысқа жетудің жалғыз жолы – өз кәсібінің шебері болу және ерінбей еңбек ету. Маңдай терімен табыс тапқан адам оны мақсатсыз шашып, ысырап қылмайды. Үнемшіл, қанағатшыл әрі ұқыпты болады», – деген болатын.

«Еңбек – ердің айнасы», «Еңбегімен ел таныр» деген тәмсіл Бақыт Нұржанов секілді еңбек адамына қарата айтылғандай. Иә, адам еңбегімен бағалы деген рас. Осы орайда, осындай қарапайым еңбек адамын мақтан етеміз және көпке үлгі ету біздің парызымыз.

Таңшолпан ШАНЖАРХАНОВА