Қылмыстық іс медиация тәртібімен аяқталды
Қазақстан Республикасының ҚК-нің 109-1-бабы бойынша іс медиация тәртібімен аяқталды. Сырдария аудандық сотында Қазақстан Республикасының ҚК-нің 109-1-бабының 2-бөлігімен азамат Б.-ға қатысты қылмыстық теріс қылықты жасағаны үшін іс қаралды.Азамат Б. енесі Ө-ні және қайын апасы А.-ны себепсізден-себепсіз ұрып, яғни тән ауруына ұшыратқан, бiрақ денсаулыққа жеңіл зиян келтiруге әкеп соқпаған ұрып-соғу әрекеттерiн жасаған.
Сот отырысында қылмыстық теріс қылықты жасаған Б. кінәсін толықтай мойындап, жәбірленушілер Ө. Және Б.-мен медиация тәртібімен татуласқандықтан істі Қазақстан Республикасының ҚК-нің 68-бабының
1-бөлігіне сәйкес, жәбірленушімен медиация тәртібімен татуласуына байланысты қылмыстық жауаптылықтан босатылып, қылмыстық теріс қылықты іс жүргізуі тоқтатылды.
Сотпен қылмыстық теріс қылықты жасаған Б.-ға қылмыстық құқық бұзушылығы үшін тараптардың татуласуына байланысты қылмыстық жауаптылықтан босатылғаннан кейін бір жыл ішінде осы Кодекстің 108-1 және 109-1-баптарында көзделген қылмыстық құқық бұзушылықтарды қайталап жасаса әрекетіне сай жаза қолданатындығы қатаң ескертілді.
Сырдария аудандық соты
Фото: Нұрболат НҰРЖАУБАЙ
