–Иә, әр мәдениет ошағының өз тарихы болады. Сол құнды тарихтың артында қаншама еңбек, мәдениеттің мәйегіне айналған майталман мамандардың аянбай қызмет етіп келе жатқан өзіндік орны бар десекте болады. Ауылдық клуб 2013 жылы аудан әкімінің қаулысына сәйкес «С.Сейфуллин ауылдық клубы» мемлекеттік коммунал­дық қазыналық кәсіпорны болып қайта құрыл­ды. 2015 жылы жаңа ғимарат пайдалануға беріл­ді. Содан бері мәдениет ошағы облыстық, аудан­дық түрлі іс-шараларды өткізіп, ауылдағы 1631 адамға мәдени қызмет етіп келеді. Руханият ошағында 150 орындықты көрермен залы, сахна, фойе, кітапхана және бірнеше қызметтік бөлме бар.

– Қазіргі таңда 8 білікті маман клуб жұмысын абыроймен атқаруда. Барлық клуб қызметкерлері өз ісінің білікті маманы, әрі шәкірт дайындауда аянбай еңбек етіп келе жатқан мақтаулы жетекшілер. Руханият орталығында Сейфолла Оспан, Бағдат Есназар, Нұрмат Мансұр сынды жыр алыптарын тудырған киелі мекеннен ағаларының ізін өкшелеп қуып келе жатқан жас өнерпаздар жетерлік. Клубта тұрақты жұмыс жасайтын 6 үйірме бар. Сан бағыттағы үйірменің ауыл баларына берері мол. Осындай үйірмелер арқылы қаншама оқушы өз талантымен талайды тамсандырып, сахнада еркін қалықтай білді. Атап айтар болсақ, жас қалам, қолөнер, домбыра, көркемсөз, би үйірмелері бар. Бүгінде үйірме­лерге 88 өнерпаз тартылған. Оқушылардың шығармашылық негізін қалыптастыруда білікті маман А.Арыстанов, Г.Өтебасова, А.Ізімбет, Г.Байділдаева, Ж.Ізімбетова секілді мамандардың еңбегін атап өтсек болады. Соны­мен бірге ұлттық салт-дәстүрді дәріптеуде «Жаншуақ» әжелер ансамблі, тал шыбықтай иілген «Ай-Тұмар» би тобының бишілерінің орны ерекше.

–Өнерлі өрендеріміз жоғары деңгейдегі бай­қау­­лар­ға қатысып, жеңімпаз атануда. Бұл клуб үйі­нің білікті мамандары мен өнерлі өнерпаздардың бірлесе жасаған жұмыстарының нәтижесі. Мәселен, домбыра үйірмесінің жетекшісі А.Арыстанов «Елдік пен бірлік мұрасы» атты аудандық жазба ақындар мүшәйрасына қатысып ІІ орын, «Ұранды елдің-ұрпағы қайсар» атты аймақтық жас жазба ақындар мүшәйрасында ІІІ орын, «Ай-Тұмар» би тобы Түркіс­тан қаласында өткен «NAURYZ FEST-TYRKIS­TAN 2024» I халықаралық шығармашылық өнер фес­тивалін­де ІІ орын иеленді. Сонымен қатар, «Күмбірле домбыра» атты аудандық күйшілер байқауында Н.Кеңесбаев ІІ орын және Н.Бердібеков алғыс хатпен марапатталды.

– Мәдениет саласы – ең бірінші көрерменнің көңілі­нен шығатын, киелі сахнаның құдіретін барын­ша ұғындыратын шоқтығы биік сала. Сонымен бірге тек күнделікті іс-шарамен ғана шекте­ліп қалмай, әрқашан жаңашылдықты талап етеді. Осы ретте, жаңашылдық енгізу мақсатында концерт­тік бағдарламаны өткізу барысын өзгеше етіп ұйым­дастыруды жөн көрдік. Бірінші концерттік бағдар­ламаны ауыл тұрығындарына ұсынып көрдік. Бір жыл ұйымдастырылған іс-шарадан жақсы нәтижеге қол жеткіздік. Биыл жаз айынан бастап басқа да ауылдарға шықтық. Яғни, біз құр концерттік бағдарламаны алып барған жоқпыз. Қазіргі кезде әлеуметтік желілердің дамыған заманында құр концертпен таңғалдыру қиын. Ауылдарға шықпас бұрын біз сол ауылдың тыныс-тіршілігін зерттеп алдық. Концерттік бағдарламамен қоса балаларды қызықтыратын түрлі батут, серуендейтін машина, дәмді сусындар мен балмұздақты сатылымға шығардық. Мұндағы мақсат – концерт тамашалау әрі балаларға жақсы көңіл-күй сыйлау. Сондай-ақ, лоторея ойындары ойнатылды. Бұл өз кезегінде ақы­лы жоспарды орындауға және түрлі шығындарды өтеуге мүмкіндік берді.

–«Адал адам» мәдени-тәрбие орталығының тұжы­рымдасы аясында жыл басынан бері 33 іс-шара өткізілді. Іс-шара барысы Сұхбат Time, Әлем-BOOK, Жанұя шуағы, Кино Тime, АРТ уақыт, Креатив HUB, Еріктілер жобалары негізінде жүзеге асып келеді. «Әлем-BOOK» жобасы аясында «Қазақ халқының адал перзенті», «Сөз тұнығын терген ақын», «Тұрар Рысқұлов – ұлы тұлға», «Абай мұрасы – қазақтың алтын қазынасы» атты тақырыптық кеш өткізілсе, «Жанұя шуағы» жобасы аясында «Аналар асыл жандар», «Үлгі болар отбасы – қазағымның айнасы» атты іс-шаралар ұйымдастырылып келеді. Мұнан бөлек, «Кино TIME» жобасы аясында «Пейіш» кинофильмі ауыл тұрғындарына және балаларға арналған «Ұйқыдағы ару», «Сиқырлы үй» мультфильмі кішкен­­тай көрермендерге көрсетілген болатын. Ал, «Еріктілер» жобасы аясында «Өнегелі ұрпақ» таза­лық аптасы, «Сұхбат Тime» барысында «Міркемел кәлпе» мешітінің иманы Нұрлан Орынбасaрұлымен кездесу кеші ұйымдастырылды. Сонымен бірге, жақында өткен «Адал адам» мәдени-тәрбие орталы­ғының тұжырымдасы аясында «Мәдениет – өнер мәйегі» атты аудандық өнер фестивалі ерекше форматта өткізілді. Бұл ретте, жиналған қауым «Адал адам» мәдени-тәрбие тұжырымдамасының 7 бағыты бойынша жасалған жұмыстарды таразылады. Ең алдымен өнер кешінің қонақтары ауыл халқының дайындаған ауқымды көрмесін тамашалады. Сахна төрінде ауыл өнерпаздары түрлі бағытта өнер көрсетті. Іс-шара барысында қыз бен жігіт айтысы, әжелер ансамбілі заманауи бағытта халық әндерінен попурри шырқады. Кеш барысында оқушылар білім саласының майталманы, біртуар азамат Бағдат Есназар туралы қойылым қойды. Сонымен қатар ұлттық киімдер шеруі көпшіліктің көңілінен шықты. Алдағы уақытта да бұл жоба аясында көптеген іс-шаралар жалғасын таба бермек.