Кездесуге аудандық полиция бөлімінің капитаны Жандос Жұмабеков, акушер-гинеколог Сан­­дуғаш Жәнібекқызы, ата-ана­лар комитетінің төрайымы Серікгүл Байталиева, ардагер ұс­таз Үміт Есназар, БАҚ өкілдері, ұс­таз­дар және ата-аналар қатыс­ты.

Маңызы зор кездесуді ұйым­дастырудағы басты мақсат – мек­теп өміріндегі ата-аналардың педа­гогикалық білімін жетілдіру, мәде­ниетін арттыру, бала тәр­бие­­сіне белсене араластыру, соның нәтижесінде ата-ананы бала­ның алғашқы ұстазына айнал­дыру. Тағылымы мол кеш мектеп оқу­­шыларының дайындаған тәр­­­­бие­лік мән-мағынасы бар әсер­лі қойылымынан басталды. Өз ке­зегінде мектеп директоры Света Сақтапова кездесу ке­шін ашып, алғы сөз сөйледі. Одан бөлек мектеп директоры бала тәрбиесі, мектеп формасы, оқушы­лардың мектептен тыс бос уақытын тиімді өткізу жайын­да сөз қозғап, ата-аналармен талқылады. Кездесу барысында мектеп директоры мектепте үнемі іс-шараларға қатысып, белсен­ділік танытып жүр­ген ата-аналарды алғыс хатпен марапаттады.

– Қай халық болсын үмітін ең алдымен ұрпағымен байланыс­тырады. Бүгінгі бәсекеге қабі­леттілікті талап еткен қоғамда жас ұрпақты сол қоғам мүддесіне сай, оның мұң-мұқтажын өтерлік, елін, жерін, халқын көзінің қара­шығындай қорғайтын ұлт­жан­ды, отаншыл азамат етіп тәрбиелеу көзделеді. Біздің де алға қойған мақсатымыз – қазіргі қоғам мұра­тына сай жан-жақты жарасымды тұлға өсіру. Отбасында, оның ішінде бала тәрбиесінде ата-ананың алар орны мен рөлі қай кезде де ерекше. Бала тәрбиесіне, оның тұлға болып қалыптасуына, жан-жақты дамуына тек ата-ана немесе ұстаз жауапты деп айта алмаймыз. Бұл ұстаз бен ата-ананың бір­лесе отырып жасалынатын үлкен маңызды жұмыс десек болады. Бүгінгі қоғамда бала тәр­биесі үлкен маңызды рөл атқа­рады. Ата-аналар да, ұстаздар қауымы да бала тәрбиесіне назар аударып, көп көңіл бөлсе екен деймін. Күн тәртібіндегі екінші мәселе – мектеп формасы. Барлық оқушы мектеп формасын міндетті түрде сақтау қажет. Бұл – барлығына ортақ ереже. Сондықтан осыны әр ата-ана қолға алып, үнемі мек­теп формасының дұрыс сақ­талуын қадағалау қажет. Бар­ша­ңыз­­ды оқу жылының бас­талуы­мен құттықтаймын, – де­ді мектеп директоры.

Кездесу барысында аудандық ішкі істер бөлімінің қызметкері полиция капитаны Жандос Жұмабеков бала құқығы, балалар арасындағы буллинг, әлім­­жеттік, құқық бұзушылық, бұзақылық және оның алдын-алу жөнінде ата-аналарға баян­дама оқыды. Сонымен қатар аудан­дық аурухана акушер-гинекологы Сандуғаш Жәнібекқызы бала­лардың денсаулығы, ерте жүктілік, гигиена сақтау әдебі, тазалық жөнінде түсіндіріп өтті. Одан бөлек мектеп оқушысы Арсен Бақытбек жанды дауыс­та «Анамның тілі» әнін орындап, кештің көркін аша түсті. Өз кезе­гінде мектеп директорының тәрбие ісі жөніндегі орынбасары Айгүл Друмова бала тәрбиесіне байланысты атқарылып жатқан жұмыстарға тоқталып өтті.

– Ұлт өмірінің іргетасы, негі­зін қалаушы – отбасы болса, отбасының іргесі – бала. Ал бала отбасының жылуын, қолдауын сезінгенде ғана бақытты болып ержетеді. Қазіргі таңда мек­теп қа­быр­ғасында ата-аналармен жүр­­­­гізілетін жұмыстың түрлері мен әдістері олардың педа­го­гикалық мәдениетін көте­ру­ге, мектеп пен отбасының өзара ынты­мақтастығына және тәрбие жұмы­сының әлеуетін арт­тыруға бағыт­талған, – деді Айгүл Друмова.

Кездесу соңында аудандық мәдениет үйінің өнерпазы «Ана» әнін орындап, кешті қорытын­дылады.