«А» вирусты гепатитінің алдын алу
«А» вирусты гепатиті – тұрмыстық қатынас және алиментарлы (қоздырғыштармен ластанған су және тағам арқылы) жолдармен берілетін инфекциялық ауру. Көбінесе күз-қыс айларында «А» вирусты гепатитімен сырқаттану деңгейі жоғарылайды. Аурудың көзі – науқас адам болып табылады. Таралуының негізгі факторына қоздырғышпен ластанған тамақ пен су, күнделікті пайдаланылатын заттар мен ойыншықтар жатады.Сонымен қатар, үйдің антисанитариялық жағдайы мен жеке бас гигиенасын сақтамау да аурудың таралуына ықпал етуі мүмкін.А вирустық гепатитінің алдын алудың ең тиімді әдісі – вакцинациялау. Сондай-ақ қарапайым шараларды сақтау арқылы да аурудың алдын алуға болады:
– жеке бас гигиенасы қағидаларын қатаң сақтау, тамақтану алдында және дәретханадан кейін қолды сабынмен жуу;
– жеміс жидектерді пайдалану алдында тазалап жуу;
– белгісіз су көздерінен қайнамаған суды ішпеу;
– санитариялық-эпидемиологиялық қадағалау қызметі рұқсат еткен су айдынында ғана шомылу;
– білім беру объектілерінде санитариялық-гигиеналық, дезинфекциялық талаптарды қатаң сақтау.
Сырдария аудандық санитариялық-эпидемиологиялық бақылау басқармасы
Фото: medqaz.com/
