Халықаралық байқауда жеңімпаз атанды
Кеше Қызылорда қаласында «Dance battle» және «Ура каникулы» тақырыбында халықаралық бишілер байқауы өткізілген болатын. Өз кезегінде аталған байқауға «Сұлу-ай» шығармашылық өнер орталығының Жетікөл және Бесарық ауылындағы «Ұлттық би» үйірмесінің мүшелері қатысып, жоғарғы деңгейде өнер көрсетті. «Сұлу-ай» шығармашылық өнер орталығына қарасты «Нұр-Шапағат» би тобының қос құрамы ІІ орынды иеленді. Бұл ретте, «Гүлсара» би ұжымының орта тобының бүлдіршіндері І орын иеленсе, кіші топ мүшелері «VIP Гран при» еншіледі. Өз кезегінде орталықтың өнерпаздары Ташкент қаласында өтетін байқауға жолдама алды. Өнер ұжымдарының жетекшісі – Шапағат Жарқынбек.
