Ашық терезе – балалар үшін қауіпті!
Қазір жаз мезгілінде ата-аналардың көпшілігі ашық терезе бала үшін қауіпті екенін ұмытады. Жыл сайын биіктен құлаудан көптеген балалар зардап шегеді.Сырдария аудандық полиция бөлімі көпқабатты үйлердің терезелерінен балалардың құлауына байланысты жазатайым оқиғалардың алдын алу мақсатында ескерту жасады.
«Балаларды қараусыз қалдырмаңыз, балалар бар пәтерлердің терезелерін арнайы қорғаныс құрылғыларымен жабдықтағаныңыз жөн. Терезені бала өз бетінше аша алмауы үшін терезе тұтқаларын құлыптаңыз. Ешқашан москит торларын қолданбаңыз-балалар оларға сүйеніп құлайды. Баланың терезеге көтерілуіне жол бермеу үшін жиһаздың барлық түрлерін терезелерден алыстатыңыз. Өте сақ болыңыздар! », - делінген Сырдария аудандық полиция бөлімінің хабарламасында.
Фото: edu.kz
