Орман-тоғайды өрттен сақтайық!

Табиғат байлығының аса бір күрделі саласының бірі ор­ман-тоғайларды қорғау, өсіруге қамқорлық жасау – әрбір аза­маттың абыройлы борышы. Қызылорда облысындағы құрғақ және желді климат, шөптесін өсімдіктердің көп болуы, дала өртінің тез өріс алуына мүмкіндік туғызады. Ауқымды емес дала өртін сөндіру үшін қажетті іс-шаралар желдің бағытын және өрттің таралу жылдамдығын анықтау қажет. Тұрғындарға ескерту, көмекке шақыру үшін жақын жердегі ауылға хабаршы жіберу, отты топырақпен көміп үстіне су құю, кішігірім отты таптау, өрт сөнгеннен кейін кетуге асықпай, қайта тұтанбайтынына көз жеткізу маңызды.

Табиғат байлығының құрамдас бөлігі – орман-тоғайдың халық шаруашылығындағы маңызы сан-қырлы. Орман-тоғай ауаны от­тегі­мен толықтыру, климаттың қатаңдығын жұмсарту, топырақты эрозиядан қорғау, қоршаған ортаның түрлі ластануын азайту қызметін атқарады.

Сондықтан әрқайсымыз төмен­дегі­дей қарапайым, қолдан келер өрт қауіпсіздік ережелерінің талаптарын орындауымыз қажет:

– қай жерде болмасын қажет жағдайда ашық отты пайдалануды бақылаусыз қалдырып, оны жасөспірім балаларға сеніп тас­тап кетпеу керек;

– далалық жерлерде егін ал­қаптарын дайындау кезінде отты бейберекет қойып, жер ашу мақсатында пайдаланбау керек;

– көктем, күз айларында табиғатқа демалысқа шығып, ашық отты пайдаланып, оның шоқтарын толық сөндірмей тас­тап кетпеу керек.

Орман – ел байлығы, мақта­нышы. Оны көбейтіп, өлкемізді жасыл желекке бөлесек ұтарымыз мол. Халық орман-тоғайдың қаді­рін қашаннан жоғары бағалап келгенін, оны ақын жазушылар өздерінің шығармаларына арқау еткенін көпшілігіміз білеміз.

Сондықтан от апатына жол бермей, өртке қарсы шараларды қатаң сақтап, өртті болдырмау үшін бәріміз біркісідей күресейік.

Өрт болған жағдайда 101 немесе 112 телефонына хабарлаңыз.

Сырдария аудандық төтенше жағдайлар бөлімі