Жемқорлыққа жоқ жоқ
Бүгінгі таңда Қазақстан Республикасында негізгі проблемалармен қатар сыбайлас жемқорлық мәселесі өткір болып тұр. Сыбайлас жемқорлық – қазіргі қоғамның келеңсіз құбылысы, үнемі мұқият зерделеуді, жүйелі көзқарасты, жан-жақты және жедел әрекет етуді талап етеді.Елімізде орын алып отырған сыбайлас жемқорлықтың деңгейі мен ауқымы экономиканың дамуына кедергі келтіріп, инвестициялық ахуалға кері әсер етіп, еліміздің имиджін төмендетеді.
Сыбайлас жемқорлыққа қарсы күрес мәселелері Мемлекет басшысының Қазақстан халқына Жолдауында жыл сайын қамтылып келеді. Сыбайлас жемқорлыққа қарсы күрестегі әрекетсіздік азаматтар арасында наразылық пен құқықтық нигилизмнің күшеюіне әкеледі.
Сыбайлас жемқорлыққа қарсы күрестің маңызды әдістерінің бірі заң талаптарын нақты сақтау болып табылады, онда моральдық жағы да маңызды рөл атқарады. Өйткені, адамгершілігі жоғары адам заң бұзбайды. Демек, сыбайлас жемқорлықты жою үшін бүкіл қоғам күресу керек. Сонда ғана еліміз әлемдегі сыбайлас жемқорлық жоқ мемлекетке айналады.
Нұғыман СМАЙЛОВ,
Шаған ауылдық
округінің әкімі
Фото:Н.НҰРЖАУБАЙ
