Әлемнің барлық мемлекеттері сыбай­лас жемқорлыққа тап болады. Қазір барлық елдер, соның ішінде ең озық ел, жаңа сын-қатерлерді ескере отырып, сыбайлас жемқорлыққа қарсы күрестің өз үлгілерін қайта қарауда, сыбайлас жемқорлық үшін жауапкершілікті қатаңдату туралы жаңа заңдар мен нормаларды қабылдауда.

Сыбайлас жемқорлыққа қарсы күрес мәселелері жыл сайын Мемлекет басшысының Қазақстан хал­қына Жолдауында жарияланады. 2023 жылғы 1 қыркүйекте Президент өзінің «Әділетті Қазақстанның экономикалық бағдары» жолдауында сыбайлас жемқорлыққа қарсы іс-қимылға барлық бағыттар бойынша жаңа серпін беру қажеттігін атап өтті. Сыбайлас жемқорлыққа қарсы күресте әрекетсіздік азаматтардың наразылық сезімдері мен құқықтық нигилизмнің өсуіне әкеледі. Біздің елімізде сыбайлас жемқорлыққа қарсы күреске жалпымемлекеттік мәртебе берілгендіктен, оның көрі­ніс­терінің жолын кесу және шектеу бойынша қоғамдық және саяси күштермен бірлесіп көп жұмыстар жүргізілуде.

Сыбайлас жемқорлықпен кү­ресу­­дің маңызды әдістерінің бірі – моральдық тарап үлкен рөл атқа­ратын заңды сақтау. Өйткені, тәкап­пар адам заңдарды бұзбайды. Жалпы айтқанда, егер сіз әлемді өзгерт­кіңіз келсе, өзіңізді өзгертіңіз. Бұдан шығатыны, егер әрбір азамат әрқашан өзінен бастаса, мысалы, өз міндеттерін адал және әділ орындаса, онда сыбайлас жемқорлық азаяды. Осылайша, сыбайлас жемқор­лық­ты жою үшін бүкіл қоғам күресуге тиіс. Сонда ғана біздің еліміз сыбайлас жемқорлық жоқ әлемдегі мем­лекеттердің біріне айналады. Қорытындылай келе, сыбайластықты жою – ортақ міндет екенін айтқым келеді.