Ұстаз болу – жүрек жылуын, мейірім шуағын, адамгершілік ұлылығын баланың бойына дарыту. Осындай ұстаздыққа қойылатын биік талап үдесінен шығып, шәкірттерінің сүйіктісіне айналған жан – №42 Қ.Баймағанбетов атындағы мектеп-лицейдің бастауыш сынып мұғалімі Роза Бердікеева.

– Роза Әлденбайқызы – бірінші санатты педагог-зерттеуші. Өзінің өнегелі еңбек жолында көптеген жетістікке қол жеткізіп, білім саласында шәкірттерге саналы тәрбие мен сапалы білім беру­де аянбай еңбек етуде. Са­бақ­­­тарында жа­­ңа тех­­н­о­­­­ло­гия­лық заманауи әдіс-тә­сіл­­­дерді пайдаланып, үлкен дайын­­­­­­дықпен, шығармашылықпен, жауап­кер­шілікті түсіне отырып өткізеді, – дейді әріптесі Құрманғали Құлымбетов.

Білікті ұстаздың шәкірттері – облыстық, республикалық олимпиада, ғылыми жоба­лардың жеңімпаздары, мектепті үздік бітірген алтын белгі иегерлері. Жалпы білім беру ұйымдарының екінші, төртінші сынып оқушылар арасындағы республикалық «Бас­тау» математикалық турнирінің облыс­тық кезеңінде 4-сынып оқушысы Сымбат Серікбай екінші орынды иеленді. Ұлағатты ұстаз шәкірттерін ғылым жолына қызықтырып, ізденіспен жұмыс жасауды басты назарда ұстайды. Соңғы жылдары оқушылары ғылыми жоба байқауларында жетістіктерімен қуантып жүр. Атап айтқан­да, шәкірттері Айзере Төлеген мен Назерке Қайролла «Алоэ – жасыл дәрігер» тақырыбында «Зерде» республикалық ғылыми жобалар байқауында екінші орын иеленіп, ұстаз мерейін өсірді.

Роза Бердікеева «Білім беру мазмұны, жаңарту идеялары бастауышта: теория тәжірибе және нәтиже» тақырыбында республикалық ғылыми-тәжірибелік конфе­рен­цияға қатысып, үздік шығар­машылық жұмысы үшін Алғыс хат­пен марапатталды. Өз тәжірибесінен дайын­далған әдістемелік нұсқаулықтары мен «Мен зерттеушімін» атты «Жаратылыстану» пәні бойынша авторлық бағдарламасы үздік деп танылып, іс-тәжірибесі аудан көлемінде таратылуда. Білікті ұстаз мектептегі жас мамандарға бар білгенін үйретіп, тәжірибе алмасып, тәлімгерлік атқарып келеді. Жастарға әдістемелік көмек ұйымдастырып, биік жетістіктерге жетелейді.

– 2022-2023 оқу жылында педагогикалық шеберлік орталығында «Мектеп командасы: тиімді басқару және білім сапасы» тақырыбында білім беру бағдарламасы бойын­­ша біліктілік көтеру курсынан өттім. Курс­та алған білімім бойынша мектепте ата-аналар серіктестігін күшейту жобасы аясында жұмыс жасадым. Ұрпағымыздың тәрбиелі, білімді азамат болып өсуінде ата-ананың атқарар рөлі ерекше деп айтар едім. Осы бағытта ата-аналармен «Әкелер мектебі», «Әжемнің ертегісі», «Мектептегі бір күн» тақырыбындағы арнайы ұйымдас­ты­рыл­ған іс-шаралар бала­лардың білімі мен тәрбиесіне оң әсерін берді, – дейді шығармашыл ұстаз.

Ардақты ұстаз педагогикалық еңбек өті­лін­де ұзақмерзімді нәтижелі жұмыстары үшін аудандық білім бөлімінің, аудан әкімінің, облыстық білім басқармасының Құрмет грамотасымен, Алғыс хатымен марапатталды. «Жылдың үздігі», «Жыл ұстазы» аталымының жеңімпазы атанған Роза Әлденбайқызы білімге деген құштарлығымен, білік­тілігімен ел алдында зор беделге ие. Еліміздің ертеңі – жас ұрпақтың жа­ңа заманға сай жігерлі де, намыс­ты болып өсуі­не білім­мен қару­­лан­дырып, бой­­лары­на қазақы болмыс тәр­биесін сі­ңі­ру­­де атса­лы­сып жүр­­ген ше­­бер ұс­таз.