Су айдындарындағы қауіпсіздік шаралары түсіндірілді
Жаз айында су айдындарын жағалап, суға шомылушылардың, оның ішінде жасөспірімдердің қатары артатыны анық.Осыған байланысты аудан әкімі Берік Сәрменбаевтың тапсырмасына сәйкес, аудан әкімдігі, аудандық төтенше жағдайлар бөлімі және аудандық полиция бөлімі қызметкерлері бірлесіп, сенбі және жексенбі күндері су айдындарындағы қауіпсіздік шаралары бойынша тұрғындар арасында түсіндірме жұмыстарын жүргізді.
Жұмысшы топ өкілдері аудандағы қауіпті су айдындарын аралап, сол аймақтарда қайғылы жағдайларды болдырмау мақсатында қауіпсіздік ережелерін қатаң сақтауды, рұқсат етілмеген жерлерге суға шомылуға болмайтынын ескертті. Қауіпсіздік шаралары туралы ескертпе үнпарақтар таратылды.
Сырдария ауданы әкімінің баспасөз қызметі
