Республикалық білім додасының үздігі
Қостанай қаласында өткен жалпы білім беретін пәндер бойынша өткізілген пәндік олимпиаданың Республикалық кезеңіне №35 И.Тоқтыбаев атындағы мектеп-лицейдің 11 сынып оқушысы Бектасқызы Асылай қазақ тілі мен әдебиеті пәні бойынша қатысып, І дәрежелі Диплом иегері атанды.Сонымен қатар, білім бәйгесінде ерекше дараланып, Х.Досмұхамедов атындағы Атырау университетінің грантын жеңіп алды.
Шәкіртіне таудай талап арқалатып, топтан оза шабуы, жүзден жүйрік, мыңнан тұлпар атануы ұстазы Қалхоразова Маржан Қайқыбекқызының нәтижелі, жүйелі еңбегінің жемісі.
Үйретуден жалықпай, өз білімін, уақытын аямай шәкіртіне сыйлаған ұстазға айтар алғысымыз шексіз!
Ертеңгі елдің еңсесі- білімді ұрпақта. Республика төрінен Қызылорда облысы, Сырдария ауданы, №35 И.Тоқтыбаев атындағы мектеп-лицей атын шығарып, білімі мен дарыны қатар ұштасқан Асылайдан күтер үмітіміз мол.
