Қыс суығында үйде отырып, далаға көп шыға бермейтініміз анық. Сол себепті қи­мыл қозғалыс та азаяды. Ал көктем келісімен бірден пайда болатын қимыл қоз­ғалыстың көбеюі салдарынан әлсіздік пайда болады. Қыстың қысқа күніндегі аз қимылға үйренген ағза көктемдегі жылы ауаның өзгерісіне бірден бейімделе алмаған­дықтан әлсірейтін көрінеді. Әлсіздік көбінесе орта жастан асқан кісілерде болады. Көктем мезгілінде ауа-райының өзгерісі денсаулыққа айтарлықтай әсер етіп, қан қысымының төмендеуі, бас айналуы, көздің қарауытуы, тұмау ауруы мен бас ауруларына алып келеді. Сонымен қоса ұйқы қысып, ашушаңдық, көңіл-күйдің жиі құлазуы, тәбеттің болмауы және шаршағыштық сезімі жиілейді. Көктемгі шаршау авитаминозға да байланысты болады екен.

Ағзадағы дәруменнің жетіс­пеушілігінен денедегі әлсіздік созылмалы аурудың өршуі­не сеп болатын көрінеді. Мамандардың айтуын­ша егер осы кезде ағзадағы дәрумен­дер қорын толықтырып отырмаса, эндокринді жүйенің жұмысы нашарлайды. Қыс мезгілінде вирустан қорғануға барынша қызмет еткен иммундық жүйе қолдауды қажет етеді. Тәбеттің болмауы иммунитет­тің әлсіреуінің басты белгілерінің бірі. Тәбеттің жоқтығына қарамастан уақытылы дұрыс әрі жүйелі тамақтану керек. Әсіресе таңғы асты міндетті түрде ішу қажет. Дәрігерлер құрамы дәрумендер мен ақуыздарға бай тағамдарды, сүт, ет, сары май, жұмыртқа және жеміс-жидек сияқты пайдалы өнім­дерді пайдалануға кеңес береді. Сонымен қоса маманмен кеңесе отыра ағзаңызға қажетті дәрумендерді алып ішу керек. Алайда дәрігердің кеңесінсіз кез келген дәрумен түрін қолдануға болмайтынын ескергеніңіз абзал.

Ағзадағы өзгерістер жұмыс­ыңызға әсер етпей қоймайды. Түнгі уақытта 8-9 сағатты ұйқыға бөлсеңіз де , ұйқыңыз қанбай, шаршау бойың­ызды басып алуы мүмкін. Түнгі ұйқыдан бөлек мүмкіндік болса түс ауасында бір тынығып алған дұрыс. Адам денсаулығы үшін дұрыс ұйқының маңызы зор. Сол себепті де бос уақытыңызда жиі тынығып тұрғаныңыз жөн.

Көктемде буын мен бұлшық ет сырқы­рап, созылмалы аурулар сыр беріп, одан әрі үдей түседі. Қанша сақтансаңыз да суық жел сізге жетпей қоймайды. Сол үшін дәріханадан арнайы майларды, медицина­лық кремдерді және ауруды басатын гельдерді алуға кеңес береміз.

Күнделікті табиғат аясында серуендеп уақыт өткізу ағзаға жақсы әсерін тигізеті­ні сөзсіз. Таза ауа арқылы өкпеңіз сергіп қалады. Ми жасушалары оттегімен қаны­ғып, шаршауды басуға септігін тигізеді. Соны­мен қоса көңіл-күйіңіз де көтеріңкі бола­ды.

Қарап тұрсаңыз қарапайым ғана қиын емес амалдар. Ал ағзаға тигізер пайдасы орасан зор. Сол себепті осы қарапайым амалдарды уақытылы орындап, көктемнің жаймашуақ күндерінде барлық ауру сырқау­ мен әлсіздікті артқа тастап, өз ден­саулығыңыз­ды жақсартуға кеңес береміз.