Бизнес субъектілері комплаенс қызметін енгізуде
![](/uploads/posts/2023-10/medium/1696565515_5caffbcd2b347aef48b45807d6a54737_1280x720.jpg)
Аталған серіктестіктер халықаралық және республикалық маңызы бар жалпыға ортақ пайдаланылатын автомобиль жолдарында құрылысты, реконструкциялауды, жөндеуді және пайдалануды жүзеге асырады.
«МД-Строй групп» ЖШС өңірімізде 50-ге жуық жұмыс орнымен қамтамасыз ететін серіктестік болса, «Дорстрой» ЖШС-і қазіргі таңда 150 жұмысшылардан құрылған кәсіпкерлік субъектісі.
Компания директорларының өтініші негізінде заманауи талаптарды жүзеге асыру мақсатында аталған серіктестіктердің штаттық кестесінде комплаенс-қызметі құрылды.
Ол сыбайлас жемқорлық тәуекелдерін болдырмауға, сыбайлас жемқорлыққа қарсы іс-қимыл жүйесін ұйымдастыруға және жұмысын қадағалауға міндеттелген.
Кездесу барысында өңірлік Антикормен аталған кәсіпкерлерге «Бизнеске жол» және «Сыбайлас жемқорлыққа қарсы волонтерлік» жобалары туралы ақпарат беріліп, компаниялардың осы жобаларға да белсенді қатыса алатыны айтылды.
Қазіргі таңда кәсіптік субъектілерінде комплаенс қызметтерін енгізу ауқымды жүргізілуде.
Бұл кез-келген бизнеске мемлекеттік органдар мен контрагенттердің негізсіз талаптарын, сондай-ақ шығындарды, төлемдерді, салықтық және басқа да ықтимал тәуекелдерді болдырмау үшін қажет.