«Жаңбыр жауып, найзағай ойнайды». Алдағы үш күнге арналған ауа райы болжамы

12-14 қыркүйекте республиканың көп бөлігінде күн құбылмалы болады, деп хабарлайды Stan.kz ақпарат агенттігі.

"Қазгидромет" РМҚ болжамынша, алдағы үш күнде Қазақстанда күшті жел соғып, күн күркіреп, жаңбыр жауады. 12 қыркүйекте республиканың солтүстік-батыс, солтүстік, орталық және шығысында нөсер жаңбыр жауады. Оңтүстік-шығыстағы таулы аудандарда түнде қар аралас жаңбыр жаууы мүмкін.

Солтүстік-батыста ауа температурасы күндіз 13-23°С-тан 15-25 °С-қа дейін, солтүстікте 10-15-тен 12-17 °С-қа дейін, орталығында 10-23 °С-қа 12-23-ке дейін көтеріледі. Негізгі ауа температурасы күндіз батыста 18-25 °С, оңтүстікте – 22-30, оңтүстік-шығыста – 18-27, таулы аудандарда – 7-12 °С жылы болады.

Фото: ашық дереккөзден