«Түнгі қаладағы балалар» рейдттік жұмысы ұйымдастырылды

Кәмелетке толмағандар арасында құқық бұзушылықты, қараусыздық пен панасыздықты болдырмау және алдын алу, бала еңбегін қанауға қарсы, жасөспірімдер арасында қылмыстың алдын алу, білім алудан бас тартатын балаларды анықтау мақсатында «Түнгі қаладағы балалар» атты Тереңөзек кентінде рейд жұмысы ұйымдастырылды.

Рейдке аудан әкімінің салалық орынбасары, аудандық полиция бөлімінің учаскелік полиция инспекторлары, кент орталығындағы мектептердің педагог-психологтары мен сынып жетекшілері және ата-аналар қатысты.

Іс-шара барысында қолайсыз отбасылардың мекен-жайлары, ойын-сауық орындары, компьютерлік салондар, автожанармай құю станциялары, көлік жуатын орындар, бос тұрған ғимараттар, жастар көп жиналатын барлық жерлер қамтылды.

Кәмелетке толмаған жасөспірімдер және ата-аналары немесе қамқоршыларына түнгі мезгілде қоғамдық орындар мен көшелерде ата-анасыз немесе заңды өкілсіз жүруге тыйым салынғаны жөнінде ата–аналарға, жасөспірімдерге түсінік жұмыстары жүргізілді.