«Түнгі қаладағы балалар» жедел-профилактикалық шарасы басталды

Сырдария аудандық полиция бөлімі «Түнгі қаладағы балалар» шарасы аясында түсіндірме жұмыстарын жүргізуде.

23-27 қыркүйек күндері аралығында Сырдария ауданы полиция бөлімінің Жергілікті полиция қызметі бөлімшесінің ювеналды полиция тобының учаскелік полиция инспекторлары мүдделі мемлекеттік органдардың, үкіметтік емес ұйымдарымен бірлесіп, аудан аумағында «Түнгі қаладағы балалар» жедел-профилактикалық шарасы басталды.

Іс-шараның негізгі мақсаты – кәмелетке толмағандар арасындағы қылмыстардың, оның ішінде топтық төбелес, бопсалау деректерінің алдын-алу, ескерту, жолын кесу, сондай-ақ құқыққа қайшы іс-әрекеттерге жол бермеу, кәмелетке толмағандарға алкогольдік және темекі өнімдерін сату, олардың түнгі уақытта заңды өкілсіз ойын-сауық мекемелері мен тұрғын үй-жайлардан тыс аумақта болу деректерін анықтау болып табылады.

Сырдария ауданы полиция бөлімінің ювеналды полиция бөлімшесінің учаскелік полиция инспекторлары және аудандық прокуратура қызметкерімен жасөспірімдер арасындағы қылмысты болдырмау, зорлық-зомбылық, бопсалау, құқық бұзушылықтың алдын алу мақсатында Сырдария аудандық Агро техникалық колледжі студенттеріне және С.Сейфуллин ауылының 137 қазақ орта мектеп оқушыларына түсіндірме жұмыстарын жүргізіп, жиналысы өтті.