"Мектепке жол" акциясы аясында оқушылар оқу құралдарымен қамтылуда

Аудан әкімі Берік Сәрменбаев «Мектепке жол» акциясы бойынша көпбалалы отбасылардың үйіне арнайы барып, оқушыларға мектеп формалары мен оқу құралдарын табыс етті.

Кездесуде аудан басшысы жастар – еліміздің болашағы екенін айтып, оқушыларға оқуда озат болу керектігін айтты. Жаңа оқу жылына сәттілік тіледі.

Айта кетейік, аудан көлемінде «Мектепке жол» акциялары ұйымдастырылып, мектеп оқушыларына оқу құралдары берілуде. Бүгінгі күнге дейін 1759 оқушыға міндетті оқу қоры есебінен бір жолғы көмек көрсетілген және 641 оқушы демеушілік, қайырымдылық есебінен оқу құралдарымен қамтылған.

Сырдария ауданы әкімінің баспасөз қызметі