Ұлттық құндылықтар – ұлттың тірегі

Қазақтар – дүниедегі ең ғажайып халық. Қазақты дүние жүзіндегі халыққа ғажайып халық ретінде танытатын ұлттық құндылықтарымыз, салт-дәстүріміз, әдет-ғұрыптарымыз бен мәдени мұраларымыз, ті­ліміз, халық­тық қолөнеріміз бен ұлттық киіміміз, ұлттық та­ғам­дарымыз, ұлттық ойындарымыз. «Ата салтың – ха­лықтық қалпың» дегендей, хал­қымыздың қадір-қасие­тін, сана-сезімін танытатын салт-дәстүрімізді, қазақтың мәр­тебесін көтеретін мұраларымызды, дәстүрімізді қастерлеуге, мәңгі есте сақтауға міндеттіміз.

Дүниеде қазақтан асқан қонақжай халық жоқ. Қазақ жерінде болған поляк саяхатшысы А.Янушкевич қазақ халқының қонақжайлығына тәнті болып: «Дүние жүзін қазақтар жайласа, мен бүкіл жер шарын тегін аралайтын едім» деген екен. Қонақжайлылық, меймандостық – қа­зақ халқының сү­йе­гіне сіңген қа­сиет. Бұл қасиет қа­зақтарды басқа халық­тардан ерекшелеп, мәртебесін арттырады, мерейін өсіреді.

Қазақ халқы ежелден күні бүгінге дейін амандық, есен-саулық білуге ерекше мән берген. Қазақтың салт-дәс­түрінде баланың дүниеге келуі, есеюі, келін түсіріп, қыз ұзату, өлімге дейінгі кезең қоғам мен әлеуметтік мәселелерді терең қамтыған. Көптеген жоралғылар халқымыздың дархан мі­нез, кең пейілді екенін көрсетеді және аңғартады.

Қазақ халқының басты ұлттық құндылығы – ана тілі. Біздің ана тіліміз және мемлекеттік тіліміз – қазақ тілі. Қазақ тілі әлемдегі ең ғажайып тіл деп айту артық айт­қандық емес, керісінше мақтанамыз. Ана сүтімен, ата қанымен бойымызға дарыған ұлттық тіл бізбен ғасырлар бойы жасасып келе жатыр. Мемлекеттік тіл – біздің ата-бабаларымыздан келе жатқан баға жетпес байлығымыз. Біздің ана тіліміз – түркі тілдерінің ішіндегі ең бай сөздік қоры мол және әлемдегі ең таза тілдердің бірі.

Қазақ халқы өзінің ұлттық құн­ды­лықтарымен басқа ұлттардан ерек­шеленеді. Осындай баға жетпес құн­дылығы бар еліміз бақытты. Өзінің құндылықтарының арқасында ол өзінің ұлттық ерекшелігін сақтай отырып осы күнге жетті. Егер біз ертеңгі ұрпақтың ұлтшыл, патриот болып өсуін қаласақ, онда ата-дәстүрімізді құрметтеуді жә­­не ұлттық құндылықтарды бойына сіңіруіне себепші болуымыз керек. Ұлттық құндылықтарды сіңіре білген адам болашаққа жауапкершілікпен қарайды және еліміз үшін тынымсыз қызмет ететін азамат болады.

Біздің ұлттық құндылықтарымыз – ұлттың тірегі. Сонымен қатар біздің болашағымыздың мәңгілік шам­шы­рағы, кемелдікке жету жолындағы жа­рық сәуле екені белгілі.

Олжас Дүйсенов,
Сырдария аудандық сотының жетекші маманы

Фото:janalyq.kz