Құрметті сырдариялықтар!
Сіздерді көктемнің алғашқы күнімен тұспа-тұс келген «1 наурыз – Алғыс айту күнімен» шын жүректен құттықтаймын!
Талай уақыт қиындықты бастан өткерген қазақ халқы бейбіт күннің есігін айқара ашып, тәуелсіздікке қадам басқалы ширек ғасырдан астам уақыт болды. Қай кезеңде де қазақ халқы ұлт өкілдерін қанатының астына алып, қамқорлық көрсете білді. Бүгінде түрлі этнос өкілдері қазақ жерін мекен етіп, өз туған өлкесіндей қастерлейді. Ауызбірліктің нағыз үлгісін көрсетіп, ұлтымыздың дінін, ділін, тілін құрметтеп, мәдениетін, салт-дәстүрін, әдет-ғұрпын қатаң сақтап, ұрпақтарына дәріптеуде. Осыдан екі жыл бұрын Елбасы Жарлығымен «1 наурыз – Алғыс айту күні» ретінде жарияланған болатын. Биыл үшінші жыл қатарынан рес­публика көлемінде кеңінен аталып келеді.
Бірлігі бекем, татулығы тұрақты ауданда түрлі этнос өкілдері тату-тәтті өмір сүруде. Олар аудан орталығындағы «Достық» үйінде бас қосып, халқымыздың салт-дәстүрлерін, өздерінің ұлттық құндылықтарын дәріптеуде. Олар осындай егемен елде Ұлт Көшбасшысының көреген саясатына қолдау білдіріп, әркез ризашылығын білдіруде. Қазақ халқының қонақжайлылығына алғыстарын жеткізуде.
Қадірменді ағайын!
Мәңгілік татулығымыз берекелі де, баянды, еліміздегі бірліктің көкжиегі кеңейе берсін. Баршаңызға денсаулық, отбасыларыңызға амандық тілеймін! Мереке құтты болсын!