Тынығушылар І ауысымды қорытындылады

Өткен сенбіде «Жалын» сауықты­ру лагерінің І ауысымы өз мәресіне жетті. Аталған ауысымның жабылу салтанаты іс-шарасына аудандық мәслихат депутаты, аудандық білім қызметкерлері кәсіподақ коми­тетінің төрағасы Алмас Есназар, ау­дан­дық білім бөлімінің әдіскері Ерлан Әбілдаев, «Жалын» сауықтыру лагерінің директоры Мейірімхан Момбаева қатысты.

Көңілді маусымның алғашқы ауысымында тыныққан балғындарға аудандық мәслихат депутаты, аудандық білім қызметкерлері кәсіподақ комитетінің төрағасы Алмас Есназар тілегін жеткізді.

– Бүгін біз жазғы демалысқа шығып, бос уақытын тынығуға арнаған мектеп оқушыларымен жүздесіп отырмыз. Қашанда елдің болашағы – өскелең ұрпақ екенін жақсы білеміз. Тынығу маусымында балалардың бос уақытын тиімді пайдалану жақсы жолға қойылды. Өз ке­зегінде балалар үшін әрбір күннің маңыздылығы жоғары. Кез келген іс-шарадан өзіне керекті мол-мағлұмат ала білгені жақсы. Бұл ретте, «Жалын» сауықтыру лагерінің ұжымының жұмысына толағай табыс тілеймін, – деді аудандық мәслихат депутаты.

Аталмыш іс-шара барысында тынығушылар арасында үздік нәтиже көрсеткен балалар марапатталды. Сонымен бірге «Үздік топ», «Үздік тынығушы», секілді оқушыларға бірнеше номинация берілді. Лагерь туы түсіріліп, топ басшылары ант берген кеште тынығушылар шад-шадыман көңіл-күйде тарқасты.

Аружан Амантай,
Қорқыт ата атындағы
Қызылорда университетінің
журналистика мамандығының
3 курс студенті