Балалар жазы көңілді
Маусым айының алғашқы онкүндігінде аудан орталығындағы «Жалын» сауықтыру лагерінің алғашқы ауысымы аяқталды. Бірінші ауысымда ауданда оқушыларды білім нәрімен сусындандырып жүрген ұстаздар балаларының тынығуына мүмкіндік жасалды.Жазғы лагерьдің бірінші ауысымында демалған балаларды аудандық білім бөлімінің басшысы Берік Жәнібеков пен аудандық білім қызметкерлері кәсіподағының төрағасы Алмас Есназар құттықтап, олар үшін жаз мезгілі ерекше көңілде басталғанын тілге тиек етті. Ауданның бас ұстазы жазғы маусымда сырдариялық балалардың тынығуына мол мүмкіндік жасалып жатқанын, соның алғашқысын бірінші ауысымда тыныққан балалар көргенін атап өтті. Әр ауылдан келген оқушылар осы кезең барысында түрлі бағыттағы іс-шалараға белсенді қатысқанын жеткізді. Жасөспірімдердің тынығу лагерінде демалуына еңбек етіп жүрген «Жалын» сауықтыру лагерінің ұжымына, тәрбиешілерге ризашылығын білдірді.
Құттықтау сөзден кейін құрметті меймандар алғашқы аусымда өткізілген іс-шараларда өз білімдерін, өнерлерін көрсеткен оқушыларды марапаттады. Сонымен қатар әрбір топқа арнайы номинациялар бойынша диплом және сыйлықтар табыс етті.
Бірінші ауысымның қорытындылануына орай оқушылар өз өнерлерін көрсетті. Ән айтып, би билеп, қазақ ақындарының өлеңдерін мәнерлеп оқыды. Мұнан соң алғашқы ауысым бойынша лагерь туы төмен түсірілді және балалар арасында футболдан жолдастық кездесу өтті.
– Мен үшін бұл жаз өте көңілді басталды. 1 маусымнан бастап «Жалын» сауықтыру лагерінде тынықтым. Бұл жерде мен жаңа достар таптым. Көптеген қызықты іс-шаралар ұйымдастырылып, баршамыз белсене қатыстық, – дейді «Лагерь жұлдызы-2022» номинациясымен марапатталған шағандық оқушы Ақерке Мүсілімова.
Құттықтау сөзден кейін құрметті меймандар алғашқы аусымда өткізілген іс-шараларда өз білімдерін, өнерлерін көрсеткен оқушыларды марапаттады. Сонымен қатар әрбір топқа арнайы номинациялар бойынша диплом және сыйлықтар табыс етті.
Бірінші ауысымның қорытындылануына орай оқушылар өз өнерлерін көрсетті. Ән айтып, би билеп, қазақ ақындарының өлеңдерін мәнерлеп оқыды. Мұнан соң алғашқы ауысым бойынша лагерь туы төмен түсірілді және балалар арасында футболдан жолдастық кездесу өтті.
– Мен үшін бұл жаз өте көңілді басталды. 1 маусымнан бастап «Жалын» сауықтыру лагерінде тынықтым. Бұл жерде мен жаңа достар таптым. Көптеген қызықты іс-шаралар ұйымдастырылып, баршамыз белсене қатыстық, – дейді «Лагерь жұлдызы-2022» номинациясымен марапатталған шағандық оқушы Ақерке Мүсілімова.
Ердос СӘРСЕНБЕКҰЛЫ
