Жанашыр азамат қолдау көрсетті

Қоғамда жақсы азаматтар көп. Олар ет­кен еңбегін жария ­етіп, жұртқа мақ­та­­нуды білмесе де өне­гелі істерімен өз­ге­лерден көш ілге­рі­ жүреді. Сөзі мен ісі үндескен сон­дай­ азаматтардың бірі – Нұркен Бақыт­­бек­­ұлы. Ол Қызыл­орда облыстық мәс­ли­ха­ты­ның депутаты, Сырдария ау­­да­нының Құрметті аза­­маты, «AMANAT» партия­сы­ облыс­тық филиа­лы­ның Партиялық бақылау комиссиясының төрағасы.

Нұркен Бақытбекұлы өт­кен аптада аудандық «Тір­ші­лік тынысы» газеті редак­циясының ұсы­нысына сәйкес 50 отбасыға аудан­дық газетті тегін жаздыртып берді. Осылайша, бас­па­сөзге жазылу нау­қа­нын­да ерекше қолдау көрсе­тіп, жергілікті газеттің тара­­лы­мының артуына жағ­дай жасады. Енді атпал аза­маттың қолдауымен 50 отба­сындағы ардагерлер алты ай бойы аудан жаңалық­та­рымен таныса алады.

– «Сырдария ауданының Құр­­метті азаматы» атанған соң осы ауданның тыныс-тіршілігіне қолдан келгенше көмектесіп отырғанды жөн көреміз. Бұл жолы редакция баспасөзге жазылу науқанына байланысты қолдау сұрапты. Бірден ке­лісіп, 50 отбасыға аудандық га­зетті жаздыртып бердім, – дейді жанашыр азамат.

– Біз аудан­дық басылымнан қол үзбейміз. Күнделікті аудан жаңа­лық­тарын оқып, хабардар болып отырамыз. Соңғы жылдары ау­дан­дық газетке атымтай жомарт азаматтар демеу­шілікпен жазып беруде. Өз кезегінде Нұр­кен баламның аудан арда­гер­леріне жасаған қамқор­лығына дән ризамыз. Қа­зыналы қарттардың атынан шынайы алғысымды білді­ремін. Кәсібіне берке берсін демекпіз, – дейді кент тұрғыны, ардагер-ұс­таз Әділбек Омаров.

Хал­қымызда «Жақсының жақ­сы­лығын айт» деген сөз бар.­ Біз аудандық газет пен әлеу­­меттік желі арқылы Нұркен Ба­қыт­бекұлының жақ­сылығын ай­тып, алғы­сы­мызды білдіруді жөн көрдік. Лайым, абырой биі­гінен көрініп, ел халықтың алғы­сын арқалай берсін!

«ТТ» ақпарат