50 ардагерді газетке тегін жазып берді

Қызылорда облыстық мәслихатының депутаты, «Жан-Арай» ЖШС директоры, Сырдария ауданының Құрметті азаматы Бақдәулет Еркінбекұлы Мақашевқа Сырдария ауданының бір топ ардагерлері алғыс айтып, ризашылығын білдіреді.

Себебі, халық қалаулысы биыл та­ғы да 50 ардагердің мекен жайына ау­дандық газетті демеушілікпен жаздыр­тып берді. Бұл ардақты азаматтың сыр­дариялық ардагер аға-апаларға деген құрметі екені анық.

Жалпы, Сыр жұртшылығы Бақдәулет Еркінбекұлының жомарттығына, мәрт­тігіне қанық екені белгілі. Талайға ша­пағаты тиген азамат біздің ауданның әлеуметтік-экономикалық дамуына зор еңбек сіңіріп келеді. Пандемия ке­зеңін­де де мұқтаж отбасыларға көмегін үлестірді. Сондықтан ел алғы­сын арқа­лаған азаматқа «Сырдария ауданы­ның Құрметті азаматы» атағы­ның берілуі адал еңбекке берілген лайықты баға іспеттес.

– Сыр өңірінің дамуына қолымыздан келгенше өз үлесімізді қосып келе­міз. Кәсіпкерлік саласында еңбек етіп, ха­лықты жұмыспен қамтып, тапқан-таян­ғанымызды көпшілікпен бөлісудеміз. Әрине, меценат атану – мақсат емес. Бұл – біздің азаматтық парызымыз. Оның үстіне халық қалаулысы болған соң әлеуметтік жауапкершілікті терең сезінеміз. Лайым, елімізде мұқтаж от­ба­сылардың саны азайып, халықтың әлеу­меттік жағдайы арта берсін. Ал аудан­дық газеттен жаңалықтарды оқып, ат­­қарылып жатқан жұмыстармен танысуы үшін 50 ардагердің мекен жайына басылымды жаздыртып беруіміз – ардагерлерге деген құрметіміз, ықыласымыз, – дейді кәсіпкерліктің көшін өрге сүйреп келе жатқан азамат.

Жанашыр азаматтың қолдауына ау­дандық газет редакциясы жанындағы бастауыш ардагерлер ұйымының төр­ағасы, Қазақстан Журналистер одағы­ның мүшесі М.Қалмұратұлы да жоғары бағалап, өз алғысын білдірді.

– 2019 жылдан бастап ардагерлердің мекен жайына тегін газет жаздыртып беру жұмыстары қолға алынып, нақты жұмыстар жүргізілуде. Редактордың ұсы­­нысына қолдау білдірген кәсіпкер азаматтардың қолдауымен біздің де мекен жайымызға аудандық газет те­гін келіп жатыр. Бұл бастамаға былтыр да Бақ­дәулет Еркінбекұлы қолдау көрсет­кен еді. Биыл да сол жұмыс жал­ғасын тапты. Сондықтан кәсіпкердің жұ­мысына жеміс тілейміз. Ол ауданның Құрметті азаматы деген атқа лайықты іс жасап, өзге азаматтарға үлгі-өнеге көрсетті, – дейді аудандық газет редак­циясы жанындағы бастауыш ардагер­лер ұйымының төрағасы Мүсілім Қалмұ­рат­ұлы.

Редакцияға, аудандық газетке деген қолдауын, қазақ баспасөзіне қолдауы деп түсініп, Б.Мақашевқа редакция ұжы­мы мен қаламгерлердің атынан зор денсаулық, абырой-амандық тілеп, шынайы алғысымызды білдіреміз.

«ТТ» ақпарат