Бар жақсылық – балаларға

Қоғамда түрлі сынақты бастан өткеріп жатқан жандар бар. Ерекше оқытуды қажет ететін ерекше балалар да аз емес. Ондай жандарға қоғам болып қолдау көрсету, қол ұшын созу – адамгершілік міндет. Адамзаттың адамшылығы сыналатын кезі де сол.

Осы орайда, Ақжарма ауылдық кітапханасы игілікті іске мұрындық болды. Ауыл тұрғыны Ақбота Ға­лым­жанқызымен арнайы кездесу ұйым­дастырып, кішкентай бүлдіршін­ге­ кө­теріңкі көңіл-күй сыйлады. Іс-шара «Балалар бақытты болу үшін жа­ралған» тақырыбын арқау етті. Кез­десу кешіне Ақботаның анасы Жамал және кітапхана қызметкерлері қатысты.

Кітапханашы Ақмарал Айқын­баева кішкентай оқырманды ерте­­­гі кітаптармен қатар буындап оқуға арналған кітаптармен таныстырды. Ақботаға елдің ертеңі бүгінгі кіш­кен­тай бүлдіршіндер екенін айтып, қанат бітірді. Сондай-ақ оқуға ынтасы зор сүйкімді балғынға арнайы кітапшаны сыйға тартты.

– Тағдыр болған соң адамның маңдайына не жазылып тұрғаны Аллаға аян. Ақботамнан көп үміт кү­темін. Балапанымның болашағы жарқын болсын деп аналық ақ тіле­гімді арнаймын. Бүгінгі іс-шараны ұйымдастырып, қызымның көңілі бө­лініп, сергуіне себеп болған, кітап оқуға ынталандырған кітапханашы апайларына алғысым шексіз, – дейді Ақботаның анасы.

«ТТ» ақпарат