Аудандық партия филиалының кезектен тыс конференциясы өтті

Бүгін аудандық партия филиалының мәжіліс залында «AMANAT» партиясы Сырдария аудандық филиалының кезектен тыс ХХХVІІ конференциясы болды. Конференцияны аудандық партия филиалының атқарушы хатшысы Еркебұлан Жақып ашып, жүргізіп отырды. Конференцияға барлық бастауыш партия ұйымдарынан делегаттар қатысты. Күн тәртібінде төмендегіндей мәселелер қарастырылды:

1. «AMANAT» партиясы Сырдария аудандық филиалының 2022 жылғы 12 айда атқарған жұмыстары және алда тұрған міндеттері туралы;

2. Аудандық мәслихаттағы депутаттық фракцияның 2022 жылғы 12 айда атқарған жұмыстары және алда тұрған міндеттері туралы;

3. «AMANAT» партиясы Қызылорда облыстық филиалының кезектен тыс XXX конференциясына делегаттар сайлау туралы;

Күн тәртібіндегі алғашқы 2 мәселе бойынша аудандық партия филиалының атқарушы хатшысы Е.Жақып баяндама жасап, аудандық партия филиалының 2022 жылы атқарған жұмыстары мен депутаттық фракцияның атқарған жұмыстары жайлы баяндама жасады. Күн тәртібіндегі 3-ші мәселе бойынша аудандық партия филиалының консультанты Б.Ахметов хабарлама жасады.

Күн тәртібіндегі мәселелер толық қаралған соң, қаулы қабылданып, конференция өз жұмысын аяқтады.