Жемқорлықпен күрес күн тәртібінен түспейді

Қазақстан Республикасы Президенті Қасым-Жомарт Кемелұлы Тоқаев сыбайлас жемқорлыққа қарсы күрес еліміздің стра­тегиялық дамуының негізгі басым­дық­тарының бірі екенін атап айтты. Осыған байланысты, Сырдария ауданы әкімдігімен, «Қазақстан Республикасының 2015-2025 жыл­дарға арналған сыбайлас жем­қорлыққа қарсы стратегиясы» аясында, аудан әкімдігі жанындағы сыбайлас жем­қорлыққа қарсы іс-қимыл жөніндегі комиссия құрылып, бекі­тілген жоспарға сәйкес комиссия отырыс­тары әр тоқсан сайын өткізілді.

Аудан әкімдігі жанындағы сыбайлас жем­қорлыққа қарсы іс-қимыл мәселелері жөнін­дегі комиссия жыл сайынғы жұмыс жос­парын бекітіп, әр тоқсан сайын өз жұмысын тұрақты түрде жүргізіп келеді. 2022 жылдың 4-тоқсандағы комиссия оты­рысында 8 мәселе қаралып, олар бойынша тиісті хаттамалық шешімдер қабылданып, мүдделі мемлекеттік органдарға 40 ұсыныс-тапсырма орындау үшін жолданды.
Жоғарыда айтып өткен «Қазақстан Рес­пуб­ликасының 2015-2025 жылдарға арнал­­ған сыбайлас жемқорлыққа қарсы стра­те­гиялық» бағдарламаның күші жойылып, «Қа­зақстан Республикасының сыбайлас жем­­­­қор­­лық­қа қарсы саясатының 2022 – 2026 жылдарға арналған тұжырымдамасы» Қа­зақстан Республикасы Президентінің 2022 жылғы 2 ақпандағы № 802 Жарлығымен бекі­тілді.

Аталған тұжырымдаманың тармақтарына және облыс әкімдігі жанындағы сыбайлас жемқорлыққа қарсы іс-қимыл мәселелері жөніндегі комиссия отырысы хаттамасының тапсырмалары бойынша жұмыстар жүргі­зіліп, тиісті мәліметтер уақытылы облыс әкі­мі аппаратына және Қазақстан Респуб­ликасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментіне жолданды.

Аудан әкімдігімен сыбайлас жемқорлыққа қарсы іс-қимылдың алдын-алу шараларын күшейту бағытында әкімдікке қарасты жергілікті атқарушы органдар бойынша мем­лекеттік қызмет, сыбайлас жемқорлыққа қарсы іс-қимыл саласындағы заңнамасының және Әдеп кодексінің талаптарын сақтау мәселелері бойынша консультациялық көмек ұдайы көрсетіліп, түсіндірме жұмыстары тұрақты түрде жүргізіліп келеді.
Есепті мерзімде, Қазақстан Республикасы Сыбайлас жемқорлыққа қарсы іс-қи­мыл агенттігінің Қызылорда облысы бойын­ша департаментінің ұйымдастыруымен 1 дөңгелек үстел және 3 семинар-кеңес өткі­зілді.

Сырдария ауданы әкімдігі жанындағы Әдеп жөніндегі уәкіл тарапынан мемлекеттік қызмет, сыбайлас жемқорлыққа қарсы іс-қи­мыл салаларында заңнамаларының және Әдеп кодексінің талаптарын сақтау мәсе­­лелері бойынша Мемлекеттік қызмет депар­таментімен бірлесіп 5 құқықтық оқы­ту семинары өткізіліп, 15 мемлекеттік қыз­метшіге және 5 азаматқа жеке консуль­тативтік кө­мек көрсетілді. Түсіндірме жұмыстары мемле­кеттік қызмет саласына енгізілген өз­ге­ріс­терді, сыбайлас жемқорлыққа қарсы жүр­гі­зілген іс-қимыл әрекеттерін және мем­ле­кеттік қызмет туралы заңнамасын қолда­ну тәжірибесіне талдау нәтижелерін қамтыған.

Сонымен қатар, аудан әкімдігінде мем­лекеттік сатып алу, мемлекеттік қызмет, сыбайлас жемқорлыққа қарсы іс қимыл заңнамалары талаптарын түсіндіру мақса­тында, мемлекеттік қызметшілерге арналған құқықтық оқытулар тұрақты түрде өткізіліп келеді.

Мемлекеттік әлеуметтік тапсырыс аясында «Қоғамдық санада сыбайлас жем­қор­лықтың көріністеріне жол бермеуді қалып­тастыру» жобасы бойынша 2022 жылғы әлеуметтік жобаның жеңімпазы «Сырдария - Нұрдария» қоғамдық қоры болып табылады.

Келісімшарт бойынша ұтып алған соммасы 714 285 теңгені құрайды. Есепті кезеңде қоғамдық қормен 12 кездесу, 2 акция, 10 қоғамдық қабылдау, 1 байқау, 4 мақала, 1 сауалнама өткізілді.

Сыбайлас жемқорлыққа қарсы мәдение­тін қалыптастыру мен алдын алу бағытына бөлінген қаражат сомасы толығымен игеріл­ді. 2023 жылға «Қоғамдық санада сыбайлас жемқорлықтың көріністеріне жол бермеуді қалыптастыру» жобасына шамамен 1450,0 мың теңге қарастырылуда.

Сонымен қатар, аудан аумағында сыбайлас жемқорлық құқық бұзушылықты алдын алу мақсатында барлық ауданға қа­расты әр ауылда (барлығы 13 ауыл) тақырыптық 1 билбордтан (13 дана), аудан орталығында 2 билборд және барлық аудан әкімдігіне қарасты мемлекеттік қызмет көрсетілетін меке­мелерге «1424» сенім телефоны, «Адал­дық алаңы» жобасының «Пайда ойлама, ар ойла», «Пара алма, пара берме», «Жем­қорлыққа жол берме», «Сыбайлас жемқорлық туралы білдің бе?», «Бір пара екі қылмыскер» және «Сыбайлас жемқорлық, тоқта...камера!!!» атты ақпараттық материалдары орнатылды және аудан әкімдігінің, ішкі саясат бөлімінің «Фейсбук» әлеуметтік желілеріне бейнероликтер жарияланды.
Бұдан бөлек, «Дала дидары» халықтық мәдени үгіт бригадасының ұйымдастырумен «Мен сыбайлас жемқорлыққа қарсымын!» атты бейнеролик, жергілікті атқарушы ор­гандардың мамандары арасында түсіндір­ме жұмыстары жүргізіліп, кент және ауылдық округтерде халық көп шоғырланған жерлерде тұрғындарға ақпараттық материалдар таратылып, түсіндірме жұмыстары жүргізілді.

Сонымен бірге, аудандық «Тіршілік тынысы» газетінде арнайы тақырыптық айдар ашы­лып, жемқорлықтың алдын алу та­қырыптарында мақалалар жарияланды.

2022 жылға арналған іс-шаралар жос­парына сәйкес Қазақстан Республикасы Мем­­лекеттік қызмет істері және сыбайлас жем­қорлыққа қарсы іс-қимыл агенттігі Төр­ағасының 2016 жылғы 19 қазандағы № 12 бұйрығына сәйкес, аудан әкімдігіне қарасты мемлекеттік мекемелердің, квазимемлекеттік сектор субъектілерінің қызметіне сыбайлас жемқорлық тәуекелдеріне ішкі талдаулар тұрақты түрде жүргізіліп келеді.

Қазіргі уақытта облыс әкімінің хаттамалық тапсырмасына сәйкес квазимемлекеттік сектор субъектілерінде комплаенс-қызметін арттырып, сыбайлас жемқорлыққа қарсы стандарттар жүйесін енгізу жұмыстары қар­қынды түрде жүргізілуде.

Қазақстан Республикасының сыбайлас жемқорлыққа қарсы саясатының 2022-2026 жылдарға арналған тұжырымдамасын іске асыру жөніндегі іс-қимыл жоспарына сәйкес тиісті шаралар кезең-кезенімен атқарылуда.

Жалпы, 2021 жылы 2022 жылдың өт­кен кезеңімен аудан көлемінде сыбайлас жемқорлық көріністері орын алған жоқ.

Жоғарыда баяндалғандарды қорыта ке­ле, Сырдария ауданы әкімдігінің басым бағыттарының бірі ретінде сыбайлас жем­қорлықпен күрес, оның алдын алу және бол­­дырмау мақсатында қолданыстағы заң­ды­лықтарға сәйкес қажетті шаралар қа­былданып келеді. Қоғам дертімен күреске байланысты профилактикалық іс-шара­лар мен олардың орын­далуы аудан әкімдігінің тұрақты бақылауында.

Е.Зұлқарнаев,
аудан әкімі аппаратының
мемлекеттік-құқықтық жұмыстар
бөлімінің басшысы