Бірегей жобаның қорытынды кезеңі өтеді

Биылғы «Балалар жылы» аясында ауданда оқушылар үшін тың жоба жүзеге асты. Жас өскіндердің кітап оқу­ға деген құштарлығын арттыру үшін аудан әкімінің қол­дауымен «Кітап оқы да, тұлға бол!» жобасы аудандағы 12 мектепте ұйымдастырылды. Бұл жобаға айтыскер ақын Нұрмат Мансұров пен аудандық мәслихат депутаты Ақтөре Ибрагимұлы бастамашылық етіп, бірінші кезең бойынша аудан мектептерінен үздіктер анықталған еді.

– «Кітап оқы да, тұлға бол» жо­ба­­сы Сырдария ауданында бас­тау ал­ған бірегей жоба болды десем ар­тық айтқандық емес. Өйткені, қа­зір­гідей элек­тронды құрылғы­лар­дың әле­уеті артып тұрған кезеңде жас­тар, оқушылардың кі­тап оқуға деген құл­шыныс­тары азайып бара жатыр. Осыны аңғарып аудан оқу­шы­­лары ара­­сында атал­ған жобаның бірінші ке­зеңін білім ошақтарында ұйым­­дас­тырдық. Біз мектеп­ішілік кезеңдерді қо­рытын­­ды­ладық. Енді екінші ке­зең, яғни аудан­­дық деңгейде өт­кізуді жоспарлап отыр­мыз, – деді жобаға бастамашы болған айтыс­кер ақын Н.Ман­сұров.

Бірегей жобаны ұйымдасты­рушыларды аудан әкімі ар­найы қабылдап, оқушы­лар­­дың кітап оқуға деген талпынысына қол­дау біл­дірді. Соған байланысты «Кі­тап оқы да, тұлға бол!» байқауының аудан­дық кезеңі желтоқсан айының 23-і күні өткізілмек. Бұл жолы 12 мектеп бойынша бірінші кезеңде жеңімпаз атанған 104 оқушы бақ сынайды. Оқушыларға сурет­кер жазушы, көрнекті қаламгер Берді­бек Соқпақбаевтың «Балалық шаққа саяхат» повесі ұсынылады. Бұл туындыда қара­пайым ауыл тіршілігі, қазақ қауымы­ның күйбеңі, ауыл балаларының мінез-құ­лық­тары көркем де, қарапайым түрде су­рет­телген. Шығарма, шын мәнінде, оқу­шының өмір жолын табуға ық­пал ететін тәрбиелік мазмұнымен де қымбат.

Айта кетейік, қорытынды кезеңнің же­ңімпаздары «Алғыс хатпен» және ба­ғалы сыйлықпен марапатталады.

«ТТ» ақпарат