Қазақстанның болашағын айқындайды

Мемлекет басшысы Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты Жолдауы саяси реформалардың жаңа бағдарламасын, әлеуметтік-экономикалық бағытта атқарылатын іс-шараларды, ішкі, сыртқы саясат, қауіпсіздік мәселелерін айқындап, 7 бағытты нақтылап берді.

Жетікөл ауылдық округінің тұр­ғындары да Президенттің Жолдауын тыңдап, он­да айтылған әрбір бағыттың халықтың тұр­мыс сапасын жақсартуға арналғанын се­зінді. Жолдауда Президент Үкіметке, са­лалық министрліктерге, әкімдерге ел экономикасын серпінді дамыту бо­йынша нақ­ты міндеттер жүктеп, оң нәтижеге қол жет­кізуді тапсырды.

Ендігі кезекте жергілікті әкімдер Жолдауда айтылған барлық бағ­дар бойынша нақты іс-шаралар қабылдап, сапалы іске асыруға тиіс.

Ел Президенті Жолдаудың бірінші ба­ғыты аясында жаңа экономикалық сая­сат, макроэкономикалық тұрақ­ты­лықты қам­тамасыз ету, экономиканы әртарап­тан­дыру және цифрландырудың тың тәсіл­дері қажеттілігін атап өтті. Сонымен қатар Мемлекет басшысы жаңа Жолдауда «Жас­тарды жан-жақты қолдау – біздің басты ба­сымдықтарымыздың бірі» екендігін айтты.

Келер жылдан бастап жастар кәсіп­керлігін қолдауға жылдық 2,5%-бен же­ңілдетілген шағын несие берудің тетігі іске қосылмақ. Бұл – ауыл жастары үшін кәсіппен айналысуға өте қолайлы мүм­кіндік. Елдегі жұмыссыздықты жоюға, олар­дың өзін-өзі жұмыспен қамтуына, өздерінің бизнестерін бастауға жасалған нақты қадам екені түсінікті.

Мемлекет басшысының ел алдына қой­ған жаңа мақсаттары замана көшінен тыс қалмай, әлемдік аренадағы айбынды дамуы­­мызды әрі қарай жылдамдатуды көз­дей­ді. Биыл біз жаңа кезеңге қадам бастық. Халқымыз жалпыұлттық ре­фе­­рендумда саяси жаңғыру бағда­рын қолдады. Кон­сти­туциялық реформа Жаңа, Әділетті Қа­зақстанды құру жолындағы аса маңызды қадам болғаны айқын. Президент еліміздегі саяси жаңғыру үдерісі ен­ді экономикалық өзгерістерге ұла­суға тиіс екенін атап өтті.

Жолдауда Президент еліміздегі еңбек­ақыны нарықтағы жағдайға сай өсіру – халықтың әл-ауқатын арттырудың басты факторы екенін және ең төменгі жалақы деңгейі 60 мың теңгеден 70 мың теңгеге дейін көтеру туралы шешім қабылдады. Бұл шешім 1,8 миллион азаматтың табысына тікелей әсер етеді. Әсі­ресе, ауылдық жерде ең төменгі жалақы алатын азаматтарға қолдау әрі көмек болғаны сөзсіз.

Мемлекетіміздің болашағына қа­тыс­ты ой-пікірін ортаға салған Президент барын­ша мұқият әрекет жа­сап, еліміздің ұзақ мерзімді мүд­десіне сай жұмыс жүргізу керектігін атап көрсетті.

Жолдауда Мемлекет басшысы ұсынған биыл Президент сайлауын, келе­сі жылы Мәжіліс және мәслихат де­­пу­­таттарының сай­лауын өткізу негізгі саяси интитуттар­дың бәрін қайта жаңғыртуға, жаңаруға әке­летіні анық. Бұл – «Әділетті Қазақстанды» қалыптастырудың негізгі факторлары. «Біз ашық бәсекелестік орныққан және бәріне тең мүмкіндік берілетін «Әділетті Қазақстанды» құрып жатырмыз. Ауқымды саяси өзгерістерді ашықтық, әділдік және өзара сенім арқылы жүзеге асыру аса ма­ңызды» деді Қ.Тоқаев.

Сайып келгенде, осы қадамның бәрі біздің «Күшті Президент – ықпалды Парламент – есеп беретін Үкімет» атты бас­ты формуланың мазмұнын байыта түседі. Бұл бастамалар Қазақстанның болашағын айқындайды. Әділетті Қазақстанды құру­дың жолы оңай емес. Дегенмен істің бас­тамасы ретіндегі жаңа реформалар елге қызмет ететін болады.

Өмірбек Тоқпамбетов,
Жетікөл ауылдық
округінің әкімі