Сұхбат сағаты өтті
Бүгін аудандық орталық кітапхананың ұйымдастыруымен «Кәсіпкерлерді қолдау – ел дамуының кепілі» атты сұхбат сағаты өтті. Жиынға аудандық кәсіпкерлік бөлімінің әдіскері Бекболат Қапанов, кәсіпкерлікке қызығушылығы бар жастар мен кітапхана қызметкерлері қатысты.– Аудан бойынша кейінгі кезеңде кәсіпкерлік саласы дамып, өркендеп келеді. Мысалы, 2022 жылдың 1 тамызына 2573 шағын және орта кәсіпкерлік субъектілері тіркеліп, оның 2427-сі жұмыс жасап тұр. 2022 жылдың жеті айында Сырдария ауданында мемлекеттік және өңірлік бағдарламалар аясында құны 1527 млн теңгені құрайтын 110 жобаға қаржылай қолдау көрсетілді, – деген Б.Қапанов қазіргі кезде кәсіпкерлікпен айналысуды көздеген кез келген адамға мемлекет тиімді қолдау көрсететінін айтты.
Шағын және орта кәсіпкерлік – экономиканың күретамыры. Кәсіпкерліктің дамуы қаржылық жағдайды тұрақтандырып, жұмыссыздық дейтін қоғам дертін азайтудың бірден-бір жолы. Осы ретте халыққа түсіндірме жұмыстарын жүргізіп, көпшілік көкейіндегі сұрақтарға жауап беру үшін арнайы мамандармен кездесу өткізудің маңызы зор.
