Бюджеттің кіріс бөлігін ұлғайтудың қазіргі таңдағы негізгі бағыты – жаппай кәсіпкерлікті дамыту. Бұл бағытта «Жаппай кәсіпкерлікті қолдау жылы» аясында Сырдария ауданында кешенді жұмыстар жүргізілуде.
2018 жылдың 1 желтоқсанына 2136 шағын және орта кәсіпкерлік субъектілері тіркелді. Оның ішінде жұмыс жасап тұрған кәсіпкерлік субъектілерінің саны 1821. 2017 жылдың осы кезеңімен салыстырғанда жұмыс жасап тұрған кәсіпкерлік субъектілерінің саны 18,0 пайызға артты.
Жұмыс жасап тұрған кәсіпкерлік субъектілерінің тіркелгендерге үлесі 85,2 пайызды құрады. Жұмыспен қамтылған адам саны 5284.
2018 жылы 517 шағын кәсіпкерлік субъектілері тіркеліп, өткен жылмен салыстырғанда 2 есеге артты. Жылдық айналым қаражаты 2,0 млн. теңгеден астам кәсіпкерлік субъектілерінің саны 294-ті құрады.
Аудан тұрғындарын жаппай кәсіпкерлікке тарту мақсатында Сырдария ауданының кәсіпкерлікті дамыту "Жол картасы" бекітілді.