Тіршілік тынысы Tirshilik-tynysy.kz ақпараттық агенттігі
» » Жас мамандармен жүздесті

Жас мамандармен жүздесті

12 тамыз – халықаралық жастар күнінде аудан әкімі Мұрат Ергешбаев­ ауданның белсенді жастарымен жүздесті. Атаулы іс-шара аудандық жастар ресурстық орталығында өтті. Мерекелік басқосуға аудандық мәслихат депутаты Ақтөре Ибрагимұлы, орталық директоры Ғани Оралов, бөлім басшылары мен түрлі салада еңбек етіп жүрген талапты жастар қатысты.

Еркін түрде өткен кездесуде аудан әкімі бүгінгі жастың ертеңгі болашақ екенін айтып, аудан жастарына артылар жауапкершіліктің зор екенін атап өтті.

– Бүгін өздеріңізбен кездесіп отыр­ғанымызға қуаныштымын. Жас­тар күні мерекесі құтты болсын! Еліміздің жарқын келешегі – Сіздерсіздер. Дәл қазір сіздердің білімдеріңіз, са­на­ларыңыз, көзқарастарыңыз, тәр­бие­леріңіз қалай қалыптасады, біз­дің болашағымыз сондай болады деген сөз. Орта буын өкілдері жас­тар­дың күшін дұрыс ұйыстырып, оң бағытқа бағыттап отыруы тиіс. Қа­зіргі таңда жастарға жан-жақты жағдай қарастырылған әрі мүмкіндік те көп. Заман бір орында тұрған жоқ. Даму мен ұдайы қозғалыс заманды асқан жылдамдықпен өзгертуде. Қазіргі таңда жастар «Болашақ» бағдар­ламасымен не өздері шетелдерде білім алып жатыр. Бұл дегеніміз – үлкен жетістік. Азаматтарымыз өзге мемлекетте қазақ халқының атын асқақта­тып жүр. Бұл қатарда біздің ауданның жастары да бар. Аудан бойынша білім, кәсіпкерлік, түрлі салада жастардың белсенділігі жоғары. Сіздерге қарап біз­дің болашағымыздың жарқын еке­ні­не кәміл сенім білдіремін, – деді аудан басшысы.


Өз кезегінде сөз алған «Жастар рухы» ЖҚ аудандық бөлімшесінің же­текшісі А.Ибрагимұлы аудан жастарын айтулы мерекемен құттықтады. Сондай-ақ бүгінде аудандағы жас­тар саясатының оңтайлы жүргізіліп отырғанына, аудан жастарының түрлі салада көш бастап жүргеніне тоқта­лып өтті. Осы ретте, жастар ісін ұтымды ұйымдастырып, әркез назардан тыс қалдырмай, мереке қарсаңында арнайы уақыт бөліп отырған аудан басшысына жастардың атынан алғысын жеткізді.


Іс-шара барысында аудан және ауылдық округтерден арнайы келген жас мамандар Өмірзақ Есболатов, Гүлдана Кәлменова өз ұсыныс-тілектерін ортаға салды. Аудан әкімі барлық ұсыныс-тілектің орын­ды еке­нін және игі бастамаларға әркез қол­дау көрсететінін айтты.


Мерекелік басқосу соңында аудан бойынша түрлі салада еңбек етіп жүрген бітқатар жас маман аудан әкімінің арнайы «Алғыс хатына» ие болды. Мемлекеттік жастар саясатын дамытуға үлес қосып жүрген ел ертеңдері өз кезегінде аудан басшысына алғыстарын білдірді.




Аружан МҰХАНБЕТҚАЛИ
13 тамыз 2022 ж. 268 0