Тіршілік тынысы Tirshilik-tynysy.kz ақпараттық агенттігі
» » Төсбелгі табысталды

Төсбелгі табысталды

Кеше аудандық полиция бөлімінде жиын өтіп, бірқатар сала ардагер­лері «Қазақстан полициясына 30 жыл» төсбелгісімен марапатталды. Іс-шараға облыстық мәслихат депутаты Р.Есенов, аудандық қоғамдық кеңес төрағасы М.Еспенбетов, аудандық полиция бөлімінің басшысы Н.Ибраев, аудандық мәслихат депутаты А.Ибрагимұлы және сала ардагерлері мен қызметкерлері қатысты.

Жиында облыстық мәслихат депутаты Расул Есенов тәртіп сақшыларының ел дамуында, қо­ғам тыныштығын сақтауда атқарып жатқан қыз­меттері орасан екенін атады.

– Қай уақытта болмасын полиция қызметі әр­қашан жанқиярлық пен антқа адалдықтың үлгісін көрсетіп келеді. Қазақстан полициясының тарихы көптеген көзсіз батырлық пен халыққа деген шексіз адалдықтың мысалдарынан тұ­рады. Еліміздегі бейбітшілік пен тұрақтылықты қамтамасыз ету жолындағы еңбектеріңіз елеулі. Бұл тұста, ауданның полиция қызметкерлері кү­ні-түні тынымсыз қызмет атқаруда. Оларға сала ардагерлері де әркез қолдау білдіріп жүр. Сондықтан сіздерге құрмет мол, – деді Расул Әбутәліпұлы.

Сөз кезегінде аудандық полиция бөлімі бас­тауыш ардагерлер кеңесінің төрағасы Марат Еспенбетов биылғы мерейлі жылда сала арда­­гер­­лері мен қызметкерлері марапат биігі­нен көрініп, бірқатары арнайы төсбелгімен мара­пат­­талғанын тілге тиек етті. Бұл сондай ізгі іс-шараның жалғасы екенін айтты. Ал аудандық мәслихат депутаты Ақтөре Ибрагимұлы тыныштықты қам­тамасыз етіп жүрген тәртіп сақшылары қан­дай құрметке де лайық екенін жеткізіп, жылы лебізін білдірді.

Құттықтау сөздерден соң бірқатар сала ар­да­геріне «Қазақстан полициясына 30 жыл» төс­белгісі табысталды. Ардагерлер атынан Серік Бексейітов сөз сөйлеп, ризашылығын жеткізді.

Іс-шара барысында аудандық полиция бөлімі­нің басшысы Н.Ибраев та сала ардагерлерін марапаттарымен құттықтады.



Е.ЖАППАРБЕК
16 шілде 2022 ж. 535 0