Н.Ілиясов ауылындағы көшелер қайта жаңғыртудан өтуде
Бүгінгі күні Н.Ілиясов ауылында «Н.Ілиясов ауылын көшелерін қайта жаңғырту» жобасы басталуда. Аталған жоба бойынша 10 көше қайта жаңғыртудан өтетін болады. Атап айтқанда асфальт жабындыларын төсеу, жарықтандыру жұмыстарын жүргізу, жаяу жүргіншілер жолын салу, су ару науаларын жүргізу атқарылатын болады.Ағымдағы жылдың 15 шілдесінде аудан әкімінің орынбасары Б.Сәрменбаев, аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Ж.Файзуллаев, ауыл әкімі С.Нұрмағанбетов және тиісті сала мамандары құрылыс басталған аумаққа арнайы барып, құрылыс жүргізіп жатқан мердігер мекеме «Дәнекер құрылыс компаниясы» ЖШС-нің жауапты басшылары мен мамандарының жұмысына сәттілік тілеп, құрылыстың сапалы әрі уақытылы жүргізілуін жүктеді.
Айта кетейік, бүгінгі күнде мердігер мекеме жаяу жүргіншілер жолын салуды бастап, жоспарға сәйкес жұмыстар атқаруда. Жалпы құрылыс 4 айға жоспарланған, дегенмен мердігер мекеме мерзімді одан бұрын аяқтауға межелеп отыр.
