Іңкәрдария ауылы тұрғындарымен кездесті
Кеше аудандық штаб төрағасы, аудандық партия филиалының атқарушы хатшысы Е.Жақып Іңкәрдария ауылы тұрғындарымен кездесу өткізді. Ауылдық клуб үйінде өткен кездесуде референдумның маңыздылығына тоқталып, өзгерістер мен толықтырулар түсіндірілді.«Суперпрезиденттік басқару үлгісінен президенттік республикаға көшу өз шешімін табатын болды. Енді елді басқару ісіне халықтың қатысу мүмкіндігін кеңейеді. Депутаттар сайлауындағы өзгерістер де халық пен өкілетті органның арасындағы байланысты, соның ішінде кері байланысты күшейтпек», деді штаб төрағасы Е.Жақып.
Ауыл тұрғындары өз кезегінде елдегі болып жатқан оң өзгерістерді жылы қабылдағандықтарын білдіріп, 5 маусымда міндетті түрде дауыс беруге қатысатындықтарын жеткізді.
