Jas Оtan Жастар қанатының бөлімше басшысы сайланды

Nur Otan партиясының Jas Otan Жастар қанатының Сырдария аудандық филиалының есеп-беру сайлау конференциясы өтті. Жиында Jas Otan Жастар қанатының Сырдария аудандық бөлімшесінің жаңа басшысы сайланды.

Кезектен тыс есеп беру, сайлау жиынында жас­тар бел­сенділігін арттыру, еріктілерді игі істерге жұмылдыру бағы­тында атқарылуы тиіс жұмыс­тар жөнінде айтылды. Күн тәр­тібіндегі бірінші мәселе бойынша Jas Otan Жастар қанаты Сырдария аудандық бөлімшесінің басшысы Айдос Омаров есепті мерзімде атқарылған жұмыстар жөнінде есеп берді. Ол Jas Otan Жастар қанатының еліміздің жас­тар саясатындағы орны ерек­ше екенін атап өтті.

Конференция күн тәртібінде қа­рал­ған екінші мәселе Jas Otan Жас­тар қанатының аудандағы жаңа жетекшісін сайлауға арналды. Жиынға қатысушылар бұл қызметке ауданға белгілі жас Ақтөре Ибрагимұлының кан­дидатурасын ұсынды. Ке­зек­­­тен тыс есеп беру, сайлау жиынына қатысушылар ұсы­­ныл­ған кандидатураны бірауыз­дан қолдады. Жетекші партия өкілдері Jas Otan Жастар қанатының Сырдария аудандық бөлімшесінің жаңа басшысына жауапты жұмыста сәттілік тілеп, мақсат-міндеттерді абыроймен атқаратынына сенім білдірді.

Майя ҚОЖАБАЙ