Қоғамда әйелдердің рөлі ерекше

«Ерін баққан әйел елін де бағады» де­ген дана халқымыз. Ерлі-зайыпты адамдарға арнап айтылған осы бір тамаша теңеу ға­сырдың тереңінен толғанып, өмірдің бай тәжірибесінен шыққан болса керек. Бұрын «әйел теңдігі» ұғымы мәселе болса, бүгінгі күні ол «ген­дерлік теңдік» деген үлкен сая­сатқа ұласты. Қазіргі кезеңде қоғамымыз гендерлік саясатты жүзеге асыруға және өмірдің барлық саласында гендерлік теңдікке қол жеткізу теті­гін жасауға жұмыстар жүр­гізіліп жатқаны белгілі.

Айта кету керек, әйелдер қай салада қызмет етпесін, өз беделдерімен қатар, сол сала жауапкершілігін де арт­ты­рып, жұрт­шылық құрметіне бөленуде. Әр­бір жұмыстың қиыншылығы мен қы­зықшылығы, жетістігі мен же­місі болады. Жақсы іс әріден бас­тау алады. Әйелдер қолы тимеген сала жоқ десек артық айт­қан­дық емес. Мемлекет қайраткері, батыр, ел басқарушысы болған көр­нек­­ті әйел тұл­ғалардың есімдері белгілі.

Бүгінгі күні әйелдер қоғамы­мыздың бар­­лық салаларында да, белсенділік таны­туда. Олар қандай қыз­­­мет атқарса да, ана­лық құқығын гүлдендіре отырып, үлкен жа­уап­­кершілік пен сенімділік­тің, жоғарғы кә­сібиліктің үлгісін көрсетіп, уақыт көшінен қалмай, болашаққа деген сенімнің зор ұйыт­қысы болуда.

Г.Пірімбет,
бас маман – сот
отырысының хатшысы