Жаңа қазақстан құруға бетбұрыс

Аудандық орталық кітапханада «Жолдаудың жарқын жолдары» тақырыбында дөңгелек үс­тел өтті. Кітапханашы Раушан Құлмаханова ел Президенті Қ.Тоқаевтың «Жаңа Қазақстан: жа­ңару мен жаңғыру жолы» атты Қазақстан хал­қына Жолдауында айтылған басым бағытт­арға тоқталды.

Мемлекет басшысының төр­тін­ші Жолдауының мән-мағынасы ерекше болды. Мазмұны мен ау­қымы жағынан кең, арқалайтын жүгі де ауыр құжат арқылы биік мақсаттар қойылды. Бүгінде Жа­ңа Қазақстанды құруға бет алған мем­лекет Тәуелсіздік жылдары көп­­теген табысқа жетті. Деген­мен ел бірлігі бекем болма­са осынау жылдарға дейінгі ат­­қа­­рыл­ған қыруар жетістіктен айы­ры­лып қа­луымыз мүмкін. Жыл­ ба­сында ел-жұрт үлкен қа­тер­мен бетпе-бет келді. Бұрын-соңды бол­ма­ған қауіпке бас тік­кен хал­қымыз бейбіт өмір мен ты­ныш­тықтың, тұрақтылық пен тату­лық­тың қа­дірін білді. Мемлекетке ылаң әкел­гісі келгендердің жолы ке­сіліп, лаңкестердің арам пиғылы орындалмады. Сондықтан Президент қаң­тардағы дүрбелеңге егжей-тег­жейлі тоқталып, ендігі кез­де Жаңа Қазақстанды құрудағы негізгі 10 басымдықты алға тартты.

Президенттің өкілеттілігінен бас­­тап, өкілді билік тармағын қай­та құру, сайлау жүйесін жетіл­ді­ру, партиялық жүйені дамыту мүмкіндіктерін кеңейту, сайлау үде­рісін жаңғырту секілді ба­сым­дық­тардың міндет-мақсатын ай­қын­дады.

Мемлекет басшысының Жолдауын талқылау мен насихаттау барысында халықаралық «Қазақ тілі» қоғамының аудандық филиал төрағасы Ш.Нұрсейітов, ең­бек ардагері, кітапхананың тұ­рақты оқырманы М.Елеусінов, «Amanat» партиясының аудандық филиалдың өкілі Б.Ахметов өз пі­кірін білдірді.

– Ел мүддесі қашанда биік. Мұ­ны Президент тағы бір мәрте дәлелдеді. Ғұламалардың сөзін ар­қау еткен Мемлекет басшысы Жаңа Қазақстанды құрудың жолын атады. Ескінің ізімен емес, жаңаша көзқараспен, дамыған ел­дің болашағы үшін жас­тар алға ба­су керек. Президенттің жаны­на топтасып, қолдау білдіру – азамат­тығымыздың белгісі. Жастар нық сеніммен Жаңа Қазақстанды құру­ға атсалысса, елдің бірлігі мен тұтастығы мызғымайды, – деді ең­бек ардагері М.Елеусінов.

Жолдаудағы жақсы жаңалық­тарға елең етпеген жан қалмағаны рас. Бұл жайына халықаралық «Қазақ тілі» қоғамының аудандық фи­лиал төрағасы Ш.Нұрсейітов тоқ­талды.

– Республика көлемінде жа­ңа­дан құрылатын облыс орта­лығы мен оның атаулары шұғыл қабылданған шешім емес. Жаңа бастаманы қолдаған ел-жұрттың қуанышында шек болмады. Сонымен қатар алдағы уақытта атау­ларға байланысты кезек күт­тірмейтін мәселелер де оң шешімін табатын болады. Ал өзім БАҚ са­ласының ардагері болғандықтан, құжаттың жетінші басымдығына үлкен мән бердім. Әрине журна­листердің мәртебесі туралы дер кезінде айтылуы, жаңа Заңның қабылданатыны – баспасөз саласында болатын оң өзгерістердің бастамасы. Қоғамның мәселесін көтеретін журналистерді заң аясында қорғау да қалыс қалмауы тиіс, – деді ардагер-журналист Ш.Нұр­сейітов.

Жолдаудың ерекшеліктеріне тал­дау жасап, бүгінде жаңарған Қа­зақстанды құруға атсалысу – жастардың қолында екенін «Ama­nat» партиясының аудандық фи­л­иалдың өкілі Б.Ахметов айтты.

Жолдауда айтылған әрбір бас­таманы жарқын болашаққа ба­ғыттауға, оны іске асыруға барша қазақстандық белсенді түрде атсалысуы қажет.

Бибісара ЖАНӘЛІ