Қорғау нұсқамаға алынды

Қоғамда әйелдерге қатысты зорлық-зомбылық мәселесі өршіп тұр. Осыған байланысты олардың құқығын қорғауда тәртіп сақшылары арнайы жұмыс жүргізіп келеді.

Осы бағытта Сырдария аудандық полиция бөлімінің ЖПҚ-ның әйелдерді зорлық-зомбылықтан қорғау тобынының қызметкері Н.Байжанов аудан көлемінде түсіндірме жұмыстарын тұрақты жүргізуде. Соның қатарында отбасында орын алған жағдайлардың салдарын болдырмау үшін ауданға қарасты Шаған елді мекенінің азаматшасы А-ның өтініші бойынша қорғау нұсқамаға алынып, оны Қызылорда қаласындағы «Қамқорлық» дағдарыс орталығына жатқызылды. Бұл – аудандағы зорлық-зомбылықтың алдын алу тұрғысындағы жұмыстар.

"ТТ" ақпарат