Тіршілік тынысы Сырдария аудандық қоғамдық-саяси газет
» » Жүз жастағы майдангер

Жүз жастағы майдангер

Майдан даласында 70 келі пу­леметті жалғыз өзі көтеріп, же­ңісті жақындатқан сарбаз барыс жылының алғашқы күн­дерінде ға­сырлық мерейтойын тойламақ. Иә, біздің әңгімізге арқау болып отыр­ған батагөй ақсақал – Яхия Тасыров 2 қаңтар күні 100 жасқа толады.
Кент көшелерін жаяу жүріп аралайтын қазыналы қарттың ғұмыры қиындықтарға толы. Келер ұрпаққа зұлмат соғыстың зардабы мен залалын көрмеуін айтатын ақсақал бейбітшілік пен тыныштықтың мәң­­гілік болғанын тілейді.
Осыдан бір ғасыр бұрын қазіргі Қа­раөзек ауылында дүниеге келген Яхия Тасыровтың жастық шағы Ташкент қа­ласында өтті. Соғысқа 19 жасында ат­танған сарбаз Сталинград, Курск, Баранович, Польша жерлерін азат етуге күш салды. Ауыр шайқастардың бірінде жарақат алған Яхия Тасыров 1945 жылы елге оралады. Батагөй ақсақал сұрапыл соғыс ке­зіндегі ауыртпалыққа толы естеліктерін естен шығарған емес. Жақында қария «Тә­уелсіздіктің 30 жыл­дығы» мерекелік медалімен марапатталды. Сонымен бірге, Яхия Тасыров – «Сырдария ауданының Құрметті азаматы».
– Саналы ғұмырында ел үшін еңбек еткен Яхия Тасыров қандай құрметке болса да лайық. Шежірелі қарттың өскелең ұрпаққа айтары мол. Екі ғасырдың куәгері талай тауқыметті күндерді бастан өткерді. Оның елі үшін еткен еңбегі еленіп келеді. Бұл ретте, аудан ардагерлері атынан ба­тагөй ақсақалды ғасырлық мерейтойымен шын жүректен құттықтаймын, – дейді аудандық ардагерлер кеңесінің төрағасы Мұса Келдібаев.

Балтабай ОРДАБЕКОВ
01 қаңтар 2022 ж. 93 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам