Тіршілік тынысы Tirshilik-tynysy.kz ақпараттық агенттігі
» » Жетістікке толы жыл

Жетістікке толы жыл

Заман ағымына алтын әріптермен жазылып қалатын тағы бір жыл арт­та қалмақ. Жаңа дәуірде уақыт зырғып жатқанымен бір жылдың ішінде айтулы оқиғалар, ерекше жағдайлар орын алды. Отыз жылдық Тә­уелсіздік тойын атап өткен Қазақстан ілгері қарай қарышты дамуы­­нан тайған жоқ. Елдегі әл-ауқаттың жақсаруы жолында бұл жылда жар­қын жұмыстар атқарылды. Оның ішінде, ауданда да ауыз толтырып айтарлықтай жетістіктер бар. Осы тұста, өтіп бара жатқан 2021 жылдың 12 айындағы жетістіктерді саралап көрелік.
Жылдың алғашқы айы саяси науқанмен бас­талды. Қазақстан Республикасы Парламенті Мә­­жілісі мен барлық деңгейдегі мәслихат депу­­таттарының сайлауына сырдариялықтар бел­сенді қатысты. Аудандағы 18 сайлау учас­кесінде аудан тұрғындары өз таңдауларын жасады. Нә­ти­жесінде, сайлаушылардың 82,89 пайызы ма­­ңызды науқанға қатысып, аймақ бойынша ал­дың­­ғы қатардан көрінді.
Ал ақпан айында Тәуелсіздік жылдарындағы айқын жетістіктердің бірі – аудан орталығына көгілдір отын берілді. Облыс әкімі Г.Әбдіқалықова арнайы іссапармен келіп, тереңөзектіктердің қуа­­­нышына ортақтасты. Бүгінде Тереңөзек кенті тұр­ғындарының 70 пайыздан астамы табиғи газды тұтынып отыр.
Көктемдің алғашқы айы мерекелерге толы болды. Осы мерекелерді аудан жұртшылығы пандемия талаптарын сақтай отырып атап өтті. Одан бөлек, ауданға қарасты Аманкелді ауылында өрт сөндіру бекеті ашылды. Бұл аудан орталығынан шалғайда орналасқан ауылдарда төтенше жағдай орын ал­ғанда жедел қимылдауға мүмкіндік туғызды.
Сәуір айында аудан қауіпті індетке байланыс­ты «қызыл» аймаққа енді. Сақтық шараларына аса мән беріліп, атқарылып жатқан жұмыстармен танысу үшін аймақ басшысы ауданға кел­ді. Сапар барысында көктемгі егін барысын кө­­­­ріп, жаңғыртудан өткізіліп жатқан Орталық алаң жұмысымен танысты. Сондай-ақ, медицина ме­ке­мелерін аралап, сақтыққа аса мән беру керек­тігін атады.
Мамыражай мамыр айында Ұлы Отан соғысы ардегеріне және оған теңестірілген ардагерлер­ге құрмет көрсетілсе, мектеп оқушыларына соң­ғы қоңырау салтанаты өтті. Ал осы айда 2020 жылдың 3 қыркүйегінен ауданды басқарған Тал­ғат Дүйсебаевтың басқа жұмысқа ауысуына байланысты ауданға Мұрат Ергешбаев әкім болып та­ғайындалды.
Жадыраған жаздың алғашқы айында С.Сей­фуллин ауылында игілікті іс атқарылды. Ауыл тұрғыны, жалғысбасты анаға кәсіпкерлер қол­дау көрсетіп, құлау қаупіндегі үйді бұзып, жа­ңадан салып берді. Мұндай игі іске А.Ералиев, О.Саймағанбетов, Р.Есенов, А.Рахметов, Б.Рах­мет есімді жомарт жандар көмек көрсетті.
Шілде айында аудандағы Орталық алаң жаң­ғыртудан толық өткізіліп, демалыс орнына айналды. Алаң гүлдендіріліп, ашық ғаламтор орнатылды. Одан бөлек, осы айда «Serikbol» сауда орталығы тұрғындарға есігін айқара ашты.
Берекелі отбасы – мықты мемлекеттің ірге­тасы. Осы ретте, облыста өткен «Мерейлі отбасы» байқауына Мақпалбаевтар отбасы қатысып, «Өне­гелі отбасы» номинациясымен марапатталды.
Қыркүйек – берекелі кезеңнің бастауы. Осы айда егін еккен шаруашылықтар күрішке орақ түсіріп, астықты ысырапсыз жинап алу қамына кіріседі. Осы науқан алдында «Мағжан және К» ЖШС-нің демеушілігімен Н.Ілиясов ауылында күріш мұражайы ашылды. Мұражай батырлар ту­ған мекеннің тарихын қамтиды.
Қазан айында ауданға ҚР Еңбек және халықты әлеуметтік қорғау министрі Серік Шәпкенов келіп, А.Иманов көшесінің күр­делі жөндеу және орталық стадионның жаңғыртылу жұмыстарымен таныс­ты. Осы айда ауданға қарасты Жетікөл ауылында имандылық үй ашылып, ауыл халқы қуанышқа кенелді.
Ал қараша айында Іңкәрдария елді мекенінде жа­ңа мешіт ашылды. Сонымен қатар, бұл айда сырдариялықтар молшылық мерекесін атап өтіп, егін егуде озат шыққан шаруалар марапатталды. Және де жыл бойына жетістіктерге жете білген сырдариялық жастар аудан әкімінің «Өрлеу» сый­лығына ие болды.
Ел Тәуелсіздігінің 30 жылын аудан халқы ерекше қуанышпен қорытындылады. Ел егемендігінің мерейлі мерекесіне орай 10 отбасы қоныс то­йын тойлады. Ауданның дамуына үлес қосып жүр­ген сырдариялықтар түрлі марапаттарға ие болды. Іргелі шаруашылықтар еңбеккерлерге кө­лік мінгізді. Сондай-ақ, сырдариялық жас әнші Құралай Мейрамбек «Қазақстан дауысы» жоба­сы­ның жеңімпазы атанды.
«Өткен жылға өкпе жоқ» деп жатамыз. Табысқа толы жылда өкпе айтудың да реті жоқ. Сондықтан мерейлі жылы еліміз айтулы жетістіктерге жетіп, бейбіт өмірдегі тағы бір жылды тарих қойнауына тапсырды. Жаңа жылда бұдан да жоғары жетіс­тіктерге жетеміз деген үміт басым.

Е.БЕРКІНБАЕВ
01 қаңтар 2022 ж. 184 0