Қызылордалық сайлаушылардың 73,90 пайызы саяси науқанға қатысты

ҚР Парламенті Мәжілісінің және барлық деңгейдегі мәслихат депутаттарының сайлауы аяқталды. Қызылордалық сайлаушылардың 73,90 пайызы өз таңдауын жасады. Бұл туралы облыстық сайлау комиссиясының төрағасы Ғалым Баймырзаев мәлімдеді.

Облыста 492198 сайлаушы тіркелген. Бұл жалпы халықтың 60,7 пайызы. Саяси науқанға 363754 мың сайлаушы қатысып, дауыс берді. Сайлау комиссиясының 2821 мүшесі қызмет көрсетті. Оның 1128-і арнайы оқу курстарынан өткен болатын. Аймақта 13 мыңға жуық мүмкіндігі шектеулі сайлаушы бар. Олардың учаскеге келіп, өз таңдауын жасауы үшін 30-ға жуық инватакси қызмет етті. Ал жылжымалы жәшік арқылы дауыс беруге 2061 адам өтініш білдірген.