Тәуелсіздіктің қадірін әр адам жете түсініп, түйсінуі тиіс

"Nur Otan" партиясының Саяси кеңесінің кеңейтілген отырысында Елбасы ұсынған «Елдіктің жеті тұғырында» еліміздің ең қымбат әрі ең қастерлі құндылықтары топтастырылған. Тұғыры биік ел болуымыз үшін анық та айқын көрсетілген басымдықтарды көздің қарашығындай сақтап, Тәуелсіздіктің 30 жылдығын жарқын да жасампаз жетістіктермен еңсерген мемлекетіміздің дамуына әрбіріміз өз үлесімізді қосуымыз қажет.

Біздің халқымыз үшін тәуелсіздіктен асқан қадірлі де, қасиетті ештеңе жоқ. Бү­гінгі азат күнді бабаларымыз сан ғасырлар бойы армандағаны мәлім. Соның жолында жанын да, барын да берді. Тәуелсіздіктің қадірін әр адам жете түсініп, түйсінуі тиіс.

«Елдіктің жеті тұғыры» атты қағидаттар жиынтығында «Жер – ата-баба мұрасы, халық қазынасы» деген Елбасы оны болашақ ұрпаққа мирас ету – ортақ борышымыз екенін баса айтқан болатын. Елбасы Нұрсұлтан Назарбаевтың «Елдіктің жеті тұғыры» тұжырымдамасы аясында ауданда бірегей жобалар жүзеге асады. Құндылықтарды ел арасында және жастарға дәріптеуді ұмытпауымыз керек.

Ақтөре ИБРАГИМҰЛЫ,

аудандық мәслихат депутаты