Тіршілік тынысы Tirshilik-tynysy.kz ақпараттық агенттігі
» » ҚАРЫШТЫ ҚАДАМ – ТӘУЕЛСІЗДІКТІҢ ЖЕМІСІ

ҚАРЫШТЫ ҚАДАМ – ТӘУЕЛСІЗДІКТІҢ ЖЕМІСІ

Қазақстанның тәуелсіз, егеменді ел ретінде танылғанына міне жиырма жеті жыл толып отыр. Тәуелсіз елдің ең басты тұғыры ол қоғамның, сол мемлекеттегі жергілікті ұлттың рухы, жігері, қоғамдық санасы. Басты байлық жай ұлттық мүдде ғана емес, азаматтардың мүддесі мен қажеттілігі. Жаңа әлемдегі жаңа Қазақстанның бүгінгі құдіретті күші ел бірлігінде, ұлттар татулығында жатыр. Қазақстан үшін ХХI ғасыр тарихының парағы парасат пен пайымға толы екені айтпаса да түсінікті. Тәуелсіздік – ол ұлттың мемлекеттілігі, оның тамыры – жасампаздық рух, ұраны – ел мен халық. Олай болса, өміршеңдік пен кемелділік аясында өмір сүріп, бейбітшілік, татулық туын биікке көтерген Қазақстан халқы жаңа әлемнің жаңалықтарына ұмтыла бермек.
Елбасы өзінің «Бір мақсат, бір мүдде, бір болашақ» атты Жолдауында кез-келген елдің экономикасының негізі – шағын және орта кәсіпкерлікте деген болатын. Дамыған елдердің озық тәжірибесіне сүйенетін болсақ, шағын және орта кәсіпкерлікті қалыптастыру мен дамыту елдің экономикасын көтеруде маңызды орынға ие. Президент қолдауының арқасында кәсіпкерліктің бірнеше бағдарламалар жасалды. Қазіргі таңда ауданымызда шағын және орта кәсіпкерлікпен айналысушылар қатары көбеюде. Кәсіпкерліктің сан-саласы қарышты дамып, ел игілігін көруде. Бұл Тәуелсіздіктің жемісі. Тәуелсіздігіміз баянды, ел-жұртымыз аман болсын.

Марат ДҮЗІМБЕТОВ,
ҚР Құрметті құрылысшысы, кәсіпкер
16 желтоқсан 2018 ж. 837 0