Ізденіс пен тәжірибені ұштастырған

Ол – Есеп-қисапты жетік меңгерген білікті маман. Қаржы саласында байыппен жүріп, нақты нәтижеге қол жеткізуді біледі. Иә, біздің кейіпкер – Берлан Құлмақов. Қызметтегі адалдықты ту еткен оның бойынан ешбір жасандылық көрмейсіҢ. Тек шеберлік пен тәжірибені ұштастырған.

Бүгінде Берлан Құлмақов аудандық қар­жы бөлімінде бас маман болып қызмет етеді. Осыдан 7 жыл бұрын мемлекеттік қыз­метке келген ол еңбек жолын экономика және бюджеттік жоспарлау бөлімінен бастаған. Негізінен, отбасында Бекең 4 ағайынды. №35 М.И.Калинин атындағы орта мектепті тәмамдағаннан кейін, жо­ғарғы оқу орындарында экология, экономика мамандықтарын игерген.

– Мемлекеттік қызметтің маңызы жоға­ры. Оның ішінде, қаржы бөлімінде әрбір қызмет мамандарға үйлестіріліп берілген. Мысалы, өз басым коммуналдық, меншікті басқару саласына жауап беремін. Мәселен, коммуналдық меншікке айналған мүліктерді есепке алу, сақтау, бағалау және одан әрі пайдалану жөніндегі жұмыстарды ұйым­дастыру тетігі қарастырылған. Соны­мен бірге, олардың есебін жүргізу арқы­лы мониторинг тізбегін шығарамыз. Қаржы­лық саясатты мұқият зерттеп-зерде­леу қа­жет. Ақпараттық технология­лар да­мыған уақытта барлық салаға қатыс­ты жұ­мыстарды ыждағаттылықпен ұйымдас­тыру керек. Үздіксіз ізденістің арқасында күрделі мамандықтың қыр-сырына қаныға­мыз. Біз «Айқын» және «Е-қызмет» бағдар­ламаларын қолдана оты­­рып, қаржы бө­лімінің базалық кеңестігін нығайтамыз, – дейді бас маман Берлан Оразбекұлы.

Тәжірибелі маман өмірлік серігі Би­бігүл Оразылықызымен 19 жыл бұрын отасқан. Жарасымды отбасында 5 перзент тәрбиеленуде. Анасы Гүлжәмила ер азаматынан ерте айырылса да, балала­рын жеткізді. Бүгінде немерелерінің қызы­ғын көруде. Берлан Оразбекұлы сайлау қызметінде де өзіндік қолтаңбасын қал­дыруда. Маңызды науқан кезінде жа­уаптылық танытып, сайлаудың жоға­ры деңгейде өтуіне күш салады. Мемле­кеттік қызметте жан-жақтылығымен та­нылған қаржыгерді кәсіби мерекесімен құт­тық­таймыз.

Балтабай ОРДАБЕКОВ