Тазалықты табалдырықтан бастайық

Халық даналығында «Сана тазармай – аула тазармайды!», «Тазалық – мә­де­ниет­ті­ліктің өлшемі», «Тазалық – иман­ның жар­тысы» деген жақсы сөз бар. Бірақ сол сөзді түсініп, айналаға зер салып, ауласына, көшесіне қарап отырған жан қазір кемде-кем.

Аудандағы мемлекеттік мекемелердің қызмет­керлері Тереңөзек кенті мен ауылдық елді мекендерге та­за­­лық жұмыстарын үздіксіз жүргізіп келеді. Өткен сенбіде, әдеттегідей, аудан орталығы мен ауылдарда «Birge: Taza Qazaqstan» экологиялық акциясы аясында тазалық жұмыстары жүргізілді. Акцияның мақсаты – қоғамның тазалықты сақтауға деген көзқарасын өзгерту, табиғатты аялау, тұрғындарға қоршаған ортаны қорғау жә­не оны ластамау мәдениетін қалыптастыру. Акция барысында мекеме алаңдары, орталық көшелер күл-қоқыстан тазартылды. Қураған ағаштар кесіліп, арам-шөптер жұ­лынып, пластик және тағы да басқа тасталған қоқыстар жиналып, өртелді. Аймақтарда өткізілген акцияға барлық қызметкер атсалысып, өз үлестерін қосты.

Ағымдағы жылдың қыркүйек айынан бастап «Birge - taza Qazaqstan» экологиялық акциясы аясында санитарлық тазалық және көркейту-көгалдандыру жұмыстары қар­қынды жүргізілуде. Әр аптаның сенбісінде атқарылып ке­ле жатқан бұл игі істің арқасында ауданымыз жасарып, жаңарып, жаңа келбетке ене бастады. Жұмыс жүйелі, та­залық жұмыстары қарқынды жүргізілуде. Дегенмен, Те­рең­өзек кентінің танымал көшелерінің бірінде жасалған тазалық жұмыстарында көргеніміз көңілге қаяу түсіріп, бұл көшеде тұрғындар тұрмай ма деген ойға қалдық.

Сананы түзеп, туған жерімізге, туған үйіміздің айналасына үлкен мән берсек. Қазағымыз – құдандалы, жекжатты, туған-туысымен қарым-қатынасы үзілмеген, ошағынан қазаны түспеген халық. Ұят, ар, намыс деген қасиет­терден арылмай, барынша көшемізге жанашырлық таныт­сақ екен.

Әркім тазалықты өз табалдырығынан бастаса игі. Тұр­ғындардан аула мен көшеге жанашырлық танытып, бір мез­гіл айналаны тазалауға ықпал жасауларын сұраймыз.

Шөлмекті дос қылмай, еңбекті дос қылып, иманның жартысына айналған тазалығымызды сақтауға шақырамыз. Кентті таза ұстау ең алдымен әрбір жеке тұрғынның жа­уап­кершілігінде екенін естен шығармаған абзал.

Ауданымыздың тазалығы биліктің ғана қолында емес, халықтың да құзырында. Қазіргі таңда көше-көшенің лас­тануы – тұрғындардың қолмен жасаған әрекетінің нәтижесі. Көшелерде арнайы қоқыс жәшігі бар. Оңды-сол­ды шашылған қағаз, пластик, целлофан сынды заттар ауа­­ны ластап, экологияға барынша зардап келтіруде.

Тазалық – денсаулық кепілі. Олай болса, тазалықты та­балдырықтан, өзіміздің өмір сүріп отырған қоғамнан бас­тайық.

Сырдария аудандық ішкі саясат бөлімі